Hjálp
Samband
Niðanfyri sært tú eitt yvirlit yvir upplatingartíðir, teldupostar og telefonnummur.
Pass og visum
Minst til at kanna pass og visum-reglurnar í landinum, sum tú ferðast til. Tað er tú sjálv/ur, ið hevur ábyrgdina av at kanna og halda pass- og visumreglurnar í landinum, sum tú…
Fráboðanir um flogferðsluna
Her sært tú allar fráboðanir um flogferðsluna, frávik og annað.
Bílegging
Ja. Tú kanst bíleggja ferðaseðlar fyri onnur ferðafólk. Tryggja tó at navnið á ferðafólkinum er skrivað rætt og samsvarar við samleikaprógv/pass.
Títt bíleggingarnummar sæst bæði á skerminum, tá tú hevur keypt eina ferð, og á teldupostinum, ið tú fært sum váttan. Eitt bíleggingarnummar er 6 stavir og tøl - og er serstakt fyri tína bílegging. T.d. A1B3D4. Tú brúkar hetta saman við eftirnavninum hjá ferðafólkinum fyri at fáa atgongd til Mín ferð og fyri at innskriva á netinum ella við sjálvvirkandi innskriving á flogvøllunum.
Vinarliga kanna fyrst tín egna “spam”-faldara fyri at vita, um váttanin møguliga er endað har.
Um tørvur er á tí, kanst tú tøppa inn títt bíleggingarnummar og eftirnavnið í “Mín ferð” á forsíðuni fyri at biðja um nýggja bíleggingarváttan.
Tú ert eisini vælkomin at ringja til okkara Kundatænastu á +298 34 10 00 ella senda teldupost til [email protected] og biðja um at fáa váttanina senda.
Um ferðaseðilin er keyptur frá Atlantic Airways, kanst tú nýta "Mín ferð" her á síðuni, ella seta teg í samband við Kundatænastuna. Er ferðaseðilin keyptur frá einari ferðaskrivstovu ella øðrum veitara, skalt tú seta teg í samband við tey. Broytingargjald og møguligur prísmunur veldst um treytirnar fyri ferðaseðilin.
Ja. Vit bjóða kundum okkara møguleika at angra keypið innan 24 tímar frá tí, at ferðin er keypt og fáa allan peningin aftur, tó í seinasta lagi tríggjar tímar áðrenn fráferð. Les meira HER. Serligar treytir eru galdandi fyri bólkar og pakkferðir.
Broyting av ferðaseðli er ikki umfatað av 24 tímars angrirætti,
Fyri broytingar, avlýsingar og endurrindan skalt tú seta teg í samband við avvarandi ferðaskrivstovu ella ferðaseðlaveitara. Atlantic Airways kann ikki altíð broyta ein ferðaseðil, sum er seldur av øðrum.
No-show treytirnar valdast ferðaseðlaslag. Við summum ferðaseðlasløgum kann tað at ikki møta til eina flogferð eisini ávirka seinni flogferðir á sama ferðaseðli. Sí ferðaseðlatreytir og hvat er galdandi fyri teg.
Set teg í samband við Atlantic Airways sum skjótast, um tú veitst, at tú ikki fert at ferðast.
Atlantic Airways tekur ímóti VISA, Mastercard/Eurocard, American Express og debet-kort, so sum Visa Electron og Mastercard Debet. Tøkir gjaldsmøguleikar verða eisini vístir, tá tú keypir ferðaseðilin á netinum.
Legg til merkis: Vit gera vart við, at í sambandi við keyp av ferðaseðlum á atlantic.fo við einum debet-korti, “reserverar” peningastovnurin hjá tær ofta eina samsvarandi upphædd á kontu tínari. Kanna í peningastovninum, hvørjar treytir eru galdandi fyri títt kort.
Børn og pinkubørn fáa sama avsláttarstig á okkara ferðaseðlum.
Børn við egnum setri, sum ikki eru fylt 12 ár, fáa 35% avsláttur.
Børn uttan egið setur, og sum ikki eru fylt 2 ár, fáa 90% avsláttur.
Legg til merkis: Avslátturin er galdandi við ávikavist 35% og 90% av grundprísinum. Tað verður givin skiftandi avsláttur á flogvallargjøld og skattir, alt eftir hvar ferðin er til/frá. Sí galdandi prís í yvirlitinum, tá tú bíleggur á atlantic.fo. Tú ert eisini vælkomin at spyrja hjá Kundatænastuni hjá Atlantic Airways ella á tíni ferðaskrivstovu.
Hetta veldst um ferðaseðilin. Broytingargjald og møguligur prísmunur kunnu koma afturat. Kanna treytirnar fyri ferðaseðilin ella brúka Mín ferð fyri at síggja møguleikarnar.
Samlaði prísurin, sum verður vístur á heimasíðuni, fevnir um kravdar skattir og avgjøld fyri valdu ferðina. Eyka tænastur verða vístar fyri seg, men samlaði kostnaðurin er sjónligur.
Ja, møguligt er at velja setur við bílegging av ferð. Alt eftir hvat ferðaseðlaslag er valt, kann tað verða kravt eitt gjald fyri at velja setur.
Sveiggj
Sveiggj-ferðaseðlar eru tøkir hjá ungum undir 26 ár og hjá føroyskum fulltíðarlesandi, sum eru 26 ár ella eldri og fáa lestrarstuðul ella ferðastuðul frá Studna. Les meira um Sveiggj her.
Ja. Fyri at bíleggja Sveiggj beinleiðis á netinum skalt tú stovna ein Súlubonus-vanga og gjøgnumføra neyðugu góðkenningina.
Ferðafólk undir 26 ár skulu kunna vísa góðkent samleikaprógv við mynd. Lesandi, sum eru 26 ár ella eldri, skulu harumframt vísa galdandi lestrarskjøl og prógv fyri viðkomandi stuðli. Hav altíð galdandi samleikaprógv við á ferðini.
Ja, sambært galdandi Sveiggj-treytum. Dagur, ferðamál og navn kunnu broytast móti møguligum gjaldi og prísmuni. Nýggja ferðafólkið skal eisini lúka treytirnar fyri Sveiggj.
Sveiggj-ferðaseðlar kunnu sum meginregla ikki endurrindast eftir 24 tíma afturberingartíðina, sambært galdandi ferðaseðilstreytum.
Innskriving og boarding
Innskriving á netinum letur upp 48 tímar fyri fráferð.
Brúka innskrivingina á heimasíðuni hjá Atlantic Airways ella í appini. Skriva upplýsingarnar, sum verða umbidnar, og fylg stigunum fyri at fáa boardingkortið.
Ja. Ferðafólk, sum kunnu innskriva seg á netinum, kunnu gera tað í Atlantic Airways-appini og brúka boardingkort á fartelefonini, har hetta er møguligt.
Kom í góðari tíð og fylg tilmælinum fyri innskriving á tínum fráferðarflogvølli. Set eyka tíð av, um tú ferðast við børnum, serligum viðføri, djóri ella hevur tørv á serligari hjálp.
Ja, á flogvøllum sum stuðla boardingkorti á fartelefon. Tú kanst eisini prenta boardingkortið ella fáa tað á flogvøllinum, har tað er møguligt.
Innskriving á netinum er ikki tøk fyri allar flogvallir, ferðafólk ella ferðaleiðir. Er innskriving á netinum ikki møgulig, skalt tú skriva teg inn á flogvøllinum innan galdandi tíðarfreist.
Viðføri
Tú kanst hava eitt handviðføri við, sum vigar í mesta lagi 8 kg. Sambært galdandi treytum kanst tú eisini hava eina teldu- ella hondtasku. Handviðførið skal halda galdandi mát og kunna goymast trygt umborð.
Nøgdin av innskrivaðum viðføri veldst um ferðaseðilin. Kanna bókingarváttanina ella galdandi ferðaseðlasamanbering fyri at síggja, hvat er íroknað.
Eitt vanligt innskrivað viðføri kann viga upp til 23 kg. Tyngri viðføri er fevnt av øðrum treytum og gjøldum. Eitt viðføri kann í mesta lagi viga 32 kg. Viðføri, sum eru omanfyri hægstu loyvdu vekt, skal pakkast um ella sendast sum serligt farmagóðs, har tað er viðkomandi.
Pakka viðførið væl, so tað tolir vanliga viðførisavgreiðslu, og merk tað týðiliga við navni og sambandsupplýsingum. Virðislutir, ferðaskjøl, neyðugan heilivág og viðkvæma elektroniska úrgerð eigur tú at hava í handviðførinum, har tað er loyvt.
Vandamikið góðs og ávís battarí, gass, eldfim evni, spreingievni, etsandi evni og onnur vandamikil evni eru bannað ella avmarkað. Kanna vegleiðingina um vandamikið góðs, áðrenn tú pakkar.
Eyka lithiumbattarí og powerbankar skulu vera í handviðførinum.
Tey eru ikki loyvd í innskrivaða viðførinum.
Les meira her.
Ja, nógv sløg av ítróttarútgerð kunnu takast við, treytað av innpakking, stødd, vekt og plássi. Kanna reglurnar fyri ta útgerðina, tú ætlar at hava við.
Súkklur kunnu takast við sum serligt viðføri sambært galdandi krøvum til innpakking, gjøld og tøkt pláss. Kanna vegleiðingina fyri serligt viðføri áðrenn ferðina.
Ljóðføri kunnu eftir stødd og vekt takast við sum handviðføri, innskrivað viðføri ella á einum eyka setri. Set teg í samband við Kundatænastuna frammanundan, um talan er um størri ljóðføri.
Vanlig gonguútgerð kann sum oftast vera í innskrivaðum viðføri. Brennievni, gassdósir og onnur eldfim evni eru avmarkað ella bannað. Gongustavar og hvassir lutir skulu vera í innskrivaðum viðføri og ikki í kabinuni.
Dronur kunnu flytast sambært reglunum fyri viðføri. Eyka ella leys lithiumbattarí skulu vera í handviðførinum og fylgja treytunum.
Reglur fyri inn- og útflutning av mati, plantum, fræi og plantuvørum eru ymiskar alt eftir ferðamáli. Ferðafólkið hevur ábyrgdina av at kanna toll-, djóralækna- og plantuheilsureglur.
Ein barnabilstólur kann innskrivast uttan eyka gjald. Vilt tú brúka barnabilstólin umborð til pinkubarn, skalt tú keypa barnaferðaseðil/egið setur við at seta teg í samband við Kundatænastuna frammanundan.
Hetta veldst um ferðaleiðina og flogfeløgini, sum eru partur av ferðini. Við skiftiflogferðum skalt tú fáa váttað við innskriving, um viðførið er merkt til endaliga ferðamálið, ella um tú skalt heinta og innskriva tað aftur.
Melda seinkað viðføri her. Goym tilvísingarnummarið og fylg mannagongdini hjá Atlantic Airways fyri seinkað viðføri.
Atlantic Airways hevur skyldur í samband við rímiligar og neyðugar útreiðslur, tá innskrivað viðføri er seinkað. Goym kvittanir og send neyðugu skjølini inn innan galdandi freist.
Viðføri, sum ikki er funnið innan 21 dagar, verður vanliga roknað sum burturmist sambært galdandi viðførisreglum.
Boða frá skaðanum skjótast gjørligt og fylg mannagongdini hjá Atlantic Airways fyri skatt viðføri. Goym viðførið, myndir, PIR-skjøl og viðkomandi kvittanir, til málið er avgreitt.
Set teg í samband við skrivstovuna fyri mist og funnið á viðkomandi flogvølli og gev eina nágreiniliga lýsing av lutinum, flognummar, dag og seturnummar, um tú hevur tað.
Børn og familjur
Pinkubørn undir tvey ár skulu vera skrásett í bíleggingini hjá tí vaksna. Eitt pinkubarn uttan egið setur ferðast sambært treytunum fyri pinkubørn. Vilt tú brúka barnabilstól umborð, skalt tú keypa viðkomandi barnaseðil/egið setur og seta teg í samband við Kundatænastuna.
Ja. Atlantic Airways hevur fylgitænastu fyri børn í aldrinum 5–15 ár, sum ferðast uttan vaksnan fylgjara.
Børn mugu ikki ferðast einsamøll, um veðurlíkindini ella onnur serlig viðurskifti gera tað óvist, um flogfarið fær lent á ætlaða ferðamálinum.
Tænastan er kravd fyri børn í aldrinum 5–11 ár, sum ferðast uttan ein fylgjara, ið er 16 ár ella eldri. Fyri børn í aldrinum 12–15 ár er tænastan valfrí.
Set teg í samband við Atlantic Airways frammanundan. Neyðugar upplýsingar um barnið og tey vaksnu, sum avhenda og heinta barnið, skulu latast áðrenn ferðina.
Fylgitænastan ikki er kravd, tá eitt barn í aldrinum 5–11 ár ferðast saman við einum, sum er 16 ár ella eldri.
Fyri børn í aldrinum 12-16 ár, sum ferðast einsamøll, krevja summi lond skrivligt samtykki frá foreldri ella verja.
Eisini er vert at hava í huga, at eitt barn undir 18 ár, sum ikki er myndugt, kann koma í eina trupla støðu, um til dømis seinking kemur í. Sambært galdandi reglum hava gistingarhús ikki loyvi at selja kamar til ella loyva einum barni undir 18 ár at gista einsamalt á einum kamari.
Børn mugu ikki ferðast einsamøll, um veðurlíkindini ella onnur serlig viðurskifti gera tað óvist, um flogfarið fær lent á ætlaða ferðamálinum.
Neyðugur barnamatur og væta kunnu vera fevnd av serligum undantøkum í trygdareftirlitinum. Fylg reglunum hjá fráferðarflogvøllinum.
Serlig hjálp og heilsuviðurskifti
Bílegg hjálpina samstundis sum flogferðina, um tað ber til, og í seinasta lagi 48 tímar fyri fráferð. Bókar tú seinni enn 48 tímar fyri fráferð, fer Atlantic Airways at gera sítt besta fyri at veita hjálpina. Les meira her.
Ja, í flestu førum. Fyri at ferðast uttan fylgjara skal ferðafólkið sjálvt kunna festa og loysa trygdarbeltið, seta bjargingarvest og súrevnismasku á, flyta seg frá setrinum móti neyðútgongd og skilja trygdarfrágreiðingina uttan hjálp.
Ein fylgjari kann vera kravdur, um ferðafólkið ikki sjálvt lýkur trygdarkrøvini fyri at ferðast einsamalt. Fylgjarin skal vera minst 18 ár og sita við síðuna av ferðafólkinum. Tað er fylgjarin, sum hevur ábyrgd av at hjálpa tí ferðandi.
Starvsfólk kunnu hjálpa við rørslu og ferð gjøgnum flogvøllin, men kunnu ikki lyfta ferðafólk millum setur og koyristól, hjálpa við persónligum tørvi á vesinum, geva heilivág ella mata ferðafólk.
Ja. Atlantic Airways flytur koyristólar uttan eyka gjald. Skráset koyristólin og hjálpartørvin í seinasta lagi 48 tímar undan fráferð, um tað ber til.
Ja, men hann skal bíleggjast frammanundan og lúka reglurnar fyri battarí. Elektriskir koyristólar skulu skrásetast við at seta seg í samband við Atlantic Airways. Koyristólar við súrum ella vátum battaríum skulu sendast sum farmagóðs.
Ja, um tað er bílagt frammanundan og lýkur galdandi trygdarkrøv. Atlantic Airways loyvir ferðafólkum at hava egið súrevni við uttan eyka gjald, um fløskurnar lúka ásettu vekt- og trygdarkrøvini. Flótandi súrevni er ikki loyvt.
DPNA er ein hjálpartænasta fyri ferðafólk, sum ferðast einsamøll og hava menningartarn og/ella kognitivan tørv á hjálp frá innskriving til flogfar og/ella frá flogfari til tolløkið. Tænastan skal bókast umvegis telefon í seinasta lagi 48 tímar undan fráferð.
Ja. Atlantic Airways er partur av Sólblómu-skipanini fyri ósjónlig brek.
Atlantic Airways tekur ímóti góðkendum hjálparhundum í kabinuni uttan eyka gjald. Boða Atlantic Airways frá frammanundan og syrg fyri, at øll skjøl og innferðarkrøv á ferðamálinum eru í lagi.
Atlantic Airways kann nokta ferð, um eitt ferðafólk við smittandi sjúku verður mett at vera ein beinleiðis vandi fyri heilsu og trygd hjá øðrum. Síggjast greið sjúkueyðkenni áðrenn fráferð, kann læknaváttan verða kravd.
Hav neyðugan heilivág í handviðførinum, har tað er loyvt, og hav viðkomandi skjøl við, tá tað er neyðugt – serliga fyri heilivág, vætu, sproytur ella útgerð, sum kann krevja nærri frágreiðing í trygdareftirlitinum.
Ja. Neyðug rørsluhjálpartól kunnu takast við á ferðini. Alt eftir stødd verða tey goymd í kabinuni ella í lastarúminum. Hevur tú tørv á hjálp á flogvøllinum, er best at bíleggja hana frammanundan.
Tað kann bera til, men serlig atlit kunnu vera neyðug, serliga um gipsið er nýtt, tí hovning kann koma undir flogferð. Spyr tín lækna, um tú ert í iva.
Boða Atlantic Airways frá frammanundan, um tú ert blind/ur ella hevur niðursetta sjón, so hóskandi hjálp kann skipast. Tað kann fevna um hjálp gjøgnum flogvøllin, boarding og at tryggja, at týðandi kunning verður givin á ein hóskandi hátt.
Boða Atlantic Airways frá frammanundan, um tú ert deyv/ur ella hevur niðursetta hoyrn, so hóskandi hjálp kann skipast og týðandi flog- og trygdarkunning kann verða miðlað greitt.
Ja, tú kanst ferðast við CPAP-tóli.
Hevur tú neyðuga læknaliga útgerð við, serliga útgerð við battaríi ella øðrum serligum krøvum, eigur tú at seta teg í samband við Atlantic Airways frammanundan. Upplýs slag, modell, stødd, vekt og battaríslag, so tað kann staðfestast, hvussu útgerðin kann flytast og brúkast.
Ja. Læknaliga neyðugur heilivágur og útgerð sum insulin, sproytur og EpiPen kunnu vanliga havast við. Hav tað í handviðførinum, har tað er loyvt, og hav læknaváttan ella onnur viðkomandi skjøl við, um tað kann verða kravt í trygdareftirlitinum.
Tú eigur ikki at rokna við, at køld goymsla er tøk umborð. Skal heilivágur haldast kaldur, skalt tú brúka hóskandi kølitasku ella kølielement og kanna trygdarkrøvini á flogvøllinum áðrenn ferðina.
Hav altíð neyðugan heilivág í handviðførinum og set teg í samband við Atlantic Airways frammanundan, um tú hevur tørv á serligari hjálp. Tað ber ikki til at tryggja eitt fullkomiliga allergenfrítt umhvørvi umborð, tí onnur ferðafólk kunnu hava mat og aðrar vørur við.
Ferðast við djórum
Atlantic Airways tekur ímóti hundum og kettum sambært ávísum treytum. Djór kunnu ferðast í kabinuni ella í lastarúminum, alt eftir ferðaleið, djóri, transportkassa og tøkum plássi.
Ja. Flutningur av djórum skal altíð bíleggjast og góðkennast áðrenn ferðina. Set teg í samband við Kundatænastuna.
í Føroyum skulu ferðafólk við livandi djórum skriva seg inn í minsta lagi 1½ tíma áðrenn fráferð. Í útlandinum kann tað vera 2 tímar áðrenn fráferð.
Ferðafólkið hevur ábyrgdina av øllum neyðugum loyvum, heilsuváttanum og øðrum ferðaskjølum fyri djórið. Kanna krøvini á ferðamálinum og í møguligum transitlandi.
Flogvøllur og ferðsla
Rutubussar, hýruvognar, bilaleiga og parkeringsmøguleikar eru tøkir. Kanna galdandi ferðsluupplýsingar og ferðaætlanir áðrenn ferðina.
Ja. Rutubussur koyrir til og frá flogvøllinum allar dagar. Kanna galdandi ferðaætlan og prísir fyri leið 300 áðrenn ferðina.
Kanna kunningarskíggjarnar á flogvøllinum, tá tú kemur. Diskar kunnu verða fluttir, so fylg skeltingini á flogvøllinum og kunningini frá Atlantic Airways.
Terminal og innskrivingarøki eru ymisk frá flogvølli til flogvøll og kunnu broytast. Kanna flogupplýsingarnar, skíggjarnar á flogvøllinum og kunningina fyri tín fráferðarflogvøll áðrenn ferðina.
Innskrivingartíðir eru ymiskar eftir fráferðarflogvølli. Kanna altíð galdandi innskrivingartíðir fyri tín flogvøll áðrenn ferðina og kom í góðari tíð. Atlantic Airways hevur serstakar tíðir fyri millum annað Vágar, Keypmannahavn, Billund, Aalborg og Keflavík.
Lounge-atgongd er tøk á ávísum flogvøllum og kann vera partur av ávísum ferðaseðlum ella Súlubonus-fyrimunum. Kanna tínar ferðaseðilstreytir og Súlubonus-fyrimunir áðrenn ferðina.
Fast Track er tøkt á ávísum flogvøllum og kann vera partur av ávísum ferðaseðlum ella Súlubonus-fyrimunum. Kanna tínar ferðaseðilstreytir og Súlubonus-limastig fyri at síggja, hvat er íroknað.
Umborð
Ja. Atlantic Airways bjóðar ábit og drykkjuvørur umborð. Úrvalið kann vera ymist, og galdandi mat- og drykkjukort sæst her.
Ja, á ávísum leiðum. Les meira og sí úrvalið her.
Legg til merkis, at undanbílegging av mati er ikki tøkt á øllum leiðum.
Ja. Barnamáltíðir eru millum møguleikarnar á teimum leiðum, har matstænasta kann bíleggjast frammanundan.
Ja. Atlantic Airways hevur í løtuni eina veganska/glutenfría máltíð millum forbíleggingarmøguleikarnar á teimum leiðum, har tænastan er tøk.
Atlantic Connect er talgilda undirhaldsskipanin hjá Atlantic Airways umborð. Har fært tú atgongd til spøl, føroysk tíðindi, filmar, sjónvarpsrøðir og annað talgilt innihald.
Ja, talgilda undirhaldsskipanin er umborð á øllum flogførum hjá Atlantic Airways.
Atlantic Connect er gjørt til, at ferðafólk brúka egna fartelefon, teldil ella aðra hóskandi eind. Fylg vegleiðingini umborð fyri at brúka skipanina.
Nei. Tað er ikki loyvt at roykja ella brúka e-sigarettir/vape umborð. E-sigarettir eru eisini fevndar av reglunum um battarí og vandamikið góðs.
Duty Free
Ja. Tú kanst bíleggja og gjalda vørur beinleiðis á heimasíðuni hjá Duty Free FAE og heinta tær í tollfría handlinum í Vága Floghavn.
Sambært galdandi keypstreytum hjá Duty Free FAE skal bíleggingin vera móttikin í seinasta lagi tríggjar tímar fyri fráferð.
Galdandi keypstreytir nevna VISA, Visa Electron, JCB og MasterCard sum gjaldsmøguleikar til bíleggingar á netinum.
Vørur, sum eru útseldar ella ikki tøkar, verða drignar frá, áðrenn endaliga upphæddin verður goldin. Um ivamál eru, set teg í samband við Duty-free FAE.
Ja, sambært keypstreytunum hjá Duty Free FAE. Vørur kunnu latast aftur ella býtast um í handlinum, ella tú kanst seta teg í samband við Duty Free FAE eftir ferðina.
Føroyar eru uttan fyri ES og EBS og hava egnar innflutningsreglur. Kanna galdandi tollfríu kvoturnar áðrenn ferðina.
Seinkingar, avlýsingar og ferðafólkarættindi
Kanna dagførdu flogferðastøðuna og fylg við telduposti og fartelefonnummari, sum eru skrásett í bíleggingini.
Ja. Atlantic Airways kann geva ferðafólkum eina váttan, sum prógvar, at ein flogferð var seinkað ella avlýst. Les meira her.
Nei. Váttanin er bert prógv um seinkingina ella avlýsingina og ikki eitt krav um endurgjald.
Tú kanst í ávísum førum hava rætt til endurgjald, alt eftir ferðaleið, longd á seinking og orsøk. Atlantic Airways viðger krøv sambært teimum ferðafólkarættindum, sum eru galdandi fyri ferðina.
Ikki sjálvvirkandi. Atlantic Airways er føroyskt flogfelag, og Vága Floghavn er ikki ein ES-floghavn. Tí eru ES-endurgjaldsreglurnar ikki uttan víðari galdandi fyri fráferðir hjá Atlantic Airways úr Vága Floghavn. Les meira her.
Send kravið beinleiðis til Atlantic Airways her. Atlantic Airways ger vart við, at triðjapartskravfyritøkur ofta taka eitt gjald.
Veður kann føra til seinkingar, avlýsingar ella umdirigeringar. Fylg kunningini frá Atlantic Airways og flogvøllinum. Umbóking og hjálp veldst um umstøðurnar og galdandi ferðafólkarættindi.
Er øll ferðin keypt sum ein samanhangandi ferðaseðil, skalt tú seta teg í samband við flogfelagið, sum handfer órógvið, fyri hjálp við umbóking. Serstakir ferðaseðlar eru sjálvstøðugar ferðir, so hav nóg mikið av skiftitíð og set teg í samband við ferðatryggingina, um neyðugt.
Verður tú ófráboðað/ur noktað boarding, hóast tú hevur galdandi bílegging og hevur møtt rættstundis, kanst tú hava rætt til aðra ferð, endurrindan, hjálp og í ávísum førum endurgjald. Rættindini eru treytað av ferðaleiðini og teimum reglum, sum eru galdandi fyri ferðina. Les meira her.
Súlubonus
Øll kunnu skráseta seg, eisini børn frá tveimum árum. Hvør persónur kann bert hava ein Súlubonus-limaskap. Tú kanst bert nýta teldupostadressuna til ein vanga, t.v.s. at børn skulu skrásetast við egnari teldupostadressu.
Limir fáa stig fyri gjøgnumførdar og stiggevandi flogferðir við Atlantic Airways. Stigatalið veldst um ferðaseðil og ferðaleið.
Legg Súlubonus-nummarið afturat bókingini áðrenn fráferð. Stigini verða latin tí liminum, sum veruliga ferðast, uttan mun til hvør keypti ferðaseðilin.
Ja. Atlantic Airways hevur eitt oyðublað til at søkja um afturvirkandi skráseting av stigum fyri flogferðir, sum longu eru gjøgnumførdar. Rita inn á tín vanga fyri at søkja.
Sambært galdandi Súlubonus-treytum skulu bonusstig brúkast innan sjey ár frá tí degi, tey eru vunnin.
Sambært galdandi Súlubonus-treytum eru stig persónlig og kunnu ikki seljast, arvast ella leggjast saman við stigum hjá øðrum limi.
Sambært galdandi Súlubonus-treytum kunnu bonusferðaseðlar bókast á øllum leiðum hjá Atlantic Airways, treytað av at bonuspláss eru tøk.
Ja, sambært galdandi Súlubonus-treytum. Dagur, ferðamál og navn kunnu broytast móti gjaldi innan ásettu freistina.
Súlubonus hevur vanligt limastig og hægri limastig, eitt nú Gull og Basalt, tá viðkomandi treytir fyri at kvalifisera seg eru loknar. Les meira her.
Bólkaferðir
Atlantic Airways roknar bíleggingar við 10 ferðafólkum ella fleiri, sum ferðast saman, sum bólkaferðir.
Galdandi bólkatreytir fevna millum annað um meira smidligar gjalds- og avlýsingartreytir, ókeypis navnabroytingar innan ásettu freistina, samskipað seturval tá nøvnini eru móttikin, innskrivað viðføri og Súlubonus-stig sambært reglunum í skipanini.
Bólkurin verður so vítt møguligt settur saman, tá nøvnini á ferðafólkunum eru móttikin.
Samband og kundatænasta
Tú kanst seta teg í samband við Kundatænastuna hjá Atlantic Airways umvegis telefon og teldupost. Dagførdar sambandsupplýsingar og upplatingartíðir eru á síðuni Samband.
Set teg í samband við Kundatænastuna og hav bíleggingarnummar og navn á ferðafólki við hondina. Er ferðaseðilin keyptur hjá ferðaskrivstovu, skalt tú seta teg í samband við hana fyri broytingar og endurrindan.
Brúka viðkomandi sambandssíðu hjá Atlantic Airways og upplýs bíleggingarnummar, flognummar, ferðadag og eina greiða lýsing av málinum.
Svara helst í verandi samskifti og varðveit sama málsnummar, so alt samskiftið verður knýtt at sama máli.
Heimasíða, app og persónsupplýsingar
Nei. Ein vanlig flogferð kann bókast á heimasíðuni hjá Atlantic Airways. Ein Súlubonus-vangi er tó neyðugur fyri tænastur, sum krevja limaskap, eitt nú at vinna/brúka Súlubonus-stig og at fáa Sveiggj-góðkenning á netinum.
Appin kann millum annað brúkast til at bíleggja flogferðir og skriva seg inn.
Atlantic Airways viðger tær upplýsingar, sum eru neyðugar fyri at umsita bíleggingina og ferðina, lúka lógarásett krøv og veita tær tænastur, tú hevur biðið um. Nærri kunning er í persónsupplýsingapolitikkinum.
Persónsupplýsingapolitikkurin lýsir rættindi tíni, eitt nú innlit, rætting, striking í ávísum førum, avmarking, mótmæli og flyting av dátum. Set teg í samband við okkum.
Ferðaskjøl
Brúka síðuna um pass og visum og almennu leinkjurnar til innferðarkrøv fyri ferðamálið. Krøvini avhanga tjóðskapi, ferðamáli og transitferð.
Ferðafólkið hevur sjálvt ábyrgdina av at hava pass, samleikaskjal, visum, loyvi og onnur skjøl, sum krevjast fyri alla ferðina.
Ja. Børn skulu lúka tey ferðaskjalakrøv, sum eru galdandi fyri tjóðskap, ferðamál og ferðaleið. Í ávísum førum kann eisini vera krav um samtykki ella onnur fylgiskjøl. Les meira um at ferðast við børnum her.
Almennar treytir
Alt eftir, hvussu nógvir ferðaseðlar eru tøkir á valda degnum, ber til at bíleggja í mesta lagi 9 ferðaseðlar samstundis.
Um leitað verður eftir fleiri ferðaseðlum enn pláss er, vísir skipanin ”útselt” á valda degnum. Roynast kann at leita eftir færri ferðaseðlum fyri at vita, um pláss er eftir.
Ja, men um tú uppstigar ein ferðaseðil (t.d. frá LÁGPRÍS til SVEIM+), so galda uppruna treytirnar fyri endurrindan. Tað vil siga, at bert tað, tú hevur rindað afturat fyri at uppstiga ferðaseðilin, kann verða endurrindað.
Ferðaseðlar kunnu keypast upp til 360 dagar undan fráferð.
Tað er ikki neyðugt at hava eina útskrift av váttanini undir innskriving, tí tú ert longu skrásett/ur í okkara skipanum. Mælt verður tó til, at tú hevur skrivað bíleggingarnummarið niður, sum tú m.a. skalt brúka við innskriving á netinum, innskriving í sjálvavgreiðslum ella innskriving við diskin. Tað er eitt krav, at tú hevur galdandi samleikaprógv við mynd ella pass hjá tær.
Legg til merkis: Ein flogferðaseðil er eitt persónligt skjal, og hann kann bert nýtast av persóninum, hvørs navn er á ferðaseðlinum. Kravið er, at tú hevur galdandi samleikaprógv við mynd ella pass hjá tær, sum skal vísast, um biðið verður um tað. Atlantic Airways tekur sær rætt til at avvísa ferðafólkum, sum ikki kunnu sanna, hvørji tey eru, ella hvørs navn ikki er tað sama sum á samleikapróvnum.
Tá tú ringir ella sendir teldupost fyri at keypa ferðaseðil, skal starvsfólk avgreiða bíleggingina. Fyri hesa tænastu leggja vit eitt eykagjald oman á prísin.
Um ferðaseðilin verður keyptur á ferðaskrivstovu, kann avgreiðslugjald verða lagt afturat. Tú kanst fáa neyvari upplýsingar frá ferðaskrivstovuni.
Um tú skalt ferðast víðari í sama samdøgri, ber hetta til í flestu førum. Spyr í innskrivingini, tí viðføristreytirnar eru ymiskar hjá ymisku flogfeløgunum.
Eyka viðføri á upp til 23 kg kostar 249 DKK, um tað verður keypt minst 3 tímar áðrenn fráferð. Minni enn 3 tímar áðrenn fráferð kostar tað 349 DKK.
Aðrar treytir kunnu vera galdandi við heimferð, um ferðin byrjar við øðrum flogfelag. Kanna treytirnar hjá viðkomandi flogfelag. Les meira um viðførisreglurnar HER.
Ja, eitt ferðafólk við einum pinkubarni skal sita á einum vindeygasetri frá rað 8 og aftur, tó undantikið við neyðútgongdina.
Til ber at innskrivast á netinum til/frá flestu ferðamálum. Sí hvørjir innskrivingarmøguleikar vit bjóða HER.