Prísir & treytir
Rutuflúgvingin við tyrluni hjá Atlantic Airways er stuðlað av føroysku myndugleikunum. Endamálið er at knýta oyggjarnar saman og at geva útoyggjafólki eitt regluligt og smidligt samband við meginøkið.
Niðanfyri finnur tú kostnaðaryvirlit fyri farm og ferðaseðlar.
Prísurin fyri rutuflúgving við tyrluni er broyttur tann 1. september 2022. Kostnaðurin fyri ferðina verður ásettur alt eftir, hvar tú hevur bústað.
Fyri at síggja kostnaðin fyri ynsktu ferðina, skalt tú fyrst velja, um tú hevur skrásettan bústað í Føroyum ella ikki.
Gev gætur: Fyri at tryggja tær, at navn og bústaður eru rætt skrásett, ber til at rita inn á Vangan og hyggja í fólkayvirlitið, sum Umhvørisstovan umsitur.
Prísir
Tú kanst bíleggja ferðaseðlar til tyrluna HER. Vinarliga legg til merkis, at tú í fyrsta lagi kanst bíleggja sjey dagar undan fráferð á øllum leiðum uttan Froðbiarleiðini, har kanst tú bíleggja tveir dagar áðrenn fráferð.
Hvagar gongur leiðin við tyrluni?
Avsláttur
- Børn 7 - 12 ár gjalda 50% av ferðaseðlakostnaðinum á rutuflúgvingini.
- Børn 2 - 6 ár ferðast ókeypis og fáa sítt egna setur á rutuflúgvingini.
- Børn 0 - 23 mánaðir ferðast ókeypis, men fáa IKKI nakað setur á rutuflúgvingini.
- Pensiónistar gjalda 50% av ferðaseðlakostnaðinum á rutuflúgvingini.
- Eingin avsláttur er møguligur á rundtúrunum
Treytir o.a.
Ferðaseðlar til tyrluna skulu bíleggjast HER.
Gevið gætur: Tað er ikki møguligt at bíleggja rundtúr við tyrluni á rutuflúgvingini. Tí ber bert til at keypa ein ferðaseðil við fráferð sama dag.
Ferðaseðilin verður bílagdur og goldin á netinum. Umráðandi er, at tú møtir rættstundis, minst 30 min. undan fráferð, so umsjónarfólkið á pallinum hevur góðar stundir til fyrireikingararbeiðið, áðrenn tyrlan fer.
Ferðaseðlar skulu bíleggjast á netinum í seinasta lagi 30 minuttir undan fyrstu fráferð á degnum.
Bíleggingin kann gerast í fyrsta lagi sjey dagar áðrenn fráferð.
Tó kunnu bíleggingar til og frá Froðba og Skúvoy bíleggjast tveir dagar áðrenn fráferð.
Rundtúrar mánadag kunnu bíleggjast 90 dagar áðrenn fráferð.
Tú kanst broyta bíleggingina upp til 24 tímar áðrenn fráferð. Tó ber einans til at broyta navn og dagfesting.
Tú kanst strika bíleggingina upp til 24 tímar áðrenn fráferð og harvið fáa peningin afturgoldnan á gjaldskortið.
Tú kanst gera broytingar við at innrita við brúkaranavni og loyniorði. Bert fólk við bústaði á útoyggj kunnu stovna brúkara. Ert tú ikki skrásettur brúkari, kanst tú nýta bíleggingarnummarið og eftirnavn.
Umráðandi er, at tú møtir 30 minuttir undan fráferð.
Tað er ikki møguligt at bíleggja rundtúr við tyrluni á rutuflúgvingini. Tí ber bert til at keypa ein ferðaseðil við fráferð sama dag.
Tú kanst hava í mesta lagi 20 kg av viðføri við umborð.
Tað er ikki loyvt at hava barnavogn við í tyrluna.
Frakt skal bíleggjast á netinum. Sí niðanfyri.
Húsdjór verða bert tikin við, um tey eru í kurv ella eskju. Sí niðanfyri.
GG! Fyrivarni verður tikið fyri avlýsingum orsakað av m.ø. veðri og bjargingararbeiði. Í hesum føri verður einans ferðaseðilin endurgoldin, og annars verður onki endurgjald veitt í sambandi við møguligar aðrar útreiðslur hjá tí ferðandi.
Ferðandi hevur sjálv/ur ábyrgd av at koma til fráfaringarstaðið til ásettu tíð. Møtir tú ikki upp til tíðina, verður onki endurgjald goldið fyri mista ferð.
Hvør ferðandi hevur loyvi at hava 20 kg av viðføri við sær. Frakt skal altíð bíleggjast frammanundan umvegis heimasíðuna.
Tað er sera umráðandi, at tú upplýsir, hvat slag av viðføri ella frakt, tú sendir. Tú skalt upplýsa tal, vekt, stødd og um fraktin er trupul at handfara. Heitt verður á øll um at pakka viðføri/frakt soleiðis, at hetta ikki dálkar, tí annars kann manningin nokta at taka hana við.
Smærri húsdjór verða bert tikin við, um tey eru í kurv/búrið ella eskju/tasku til flutning av djóri. Max. stødd á hundakassa er 51x48x68 cm. Ferðandi skulu sjálvi hava búður/flutningstasku við.
Eingin rotta er m.a. í Fugloy, Svínoy, Mykinesi, Koltri, Skúvoy og Stóru Dímun. Vinarliga tryggja tær, at tú ikki flytur rottu út í hesar oyggjar!
Sí meira á www.us.fo/rotta