Dagførd ferðaætlan:

Keypmannahavn: Hvønn dag.

Billund: Mánadagar, hósdagar og sunnudagar.

Aalborg: Týsdagar og hósdagar frá 17. juni 2021.

Keflavík: Fríggjadagar and mánadagar frá 18. juni 2021.

Edinburgh: Hósdagar og mánadagar frá 1. juli 2021.

Oslo: Hvønn mikudag frá 16. juni 2021.

Mallorka: Hvønn mikudag frá 30. juni 2021. 

Gran Canaria: Frá 2. november 2021

GG! Tillagingar í ferðaætlanini kunnu koma fyri orsakað av koronutilmælum hjá myndugleikunum.

FERÐAST TRYGT

Kravið frá donsku stjórnini um Covid-19 kanning áðrenn fráferð er IKKI galdandi á flúgvingunum ímillum Føroyar og Danmark.

Føroysku myndugleikarnir krevja at øll ferðandi, ið lenda í Vágum, skulu kannast fyri covid-19*. Myndugleikarnir krevja í hesum sambandi eisini, at tey ferðandi rinda eitt covid-19 avgjald. Avgjaldið er 312 DKK fyri hvønn. Tað eru flutningsfeløgini, ið hava fingið til uppgávu at krevja avgjaldið inn. Ferðandi fara tí at fáa eitt gjaldsleinki sendandi frá Atlantic Airways áðrenn fráferð. Um tann ferðandi ikki rindar um leinkið áðrenn fráferð, verður eitt ómaksgjald lagt afturat umframt sjálvt avgjaldið.

Myndugleikarnir mæla til, at øll, sum koma til Føroya, eru í heimauppihaldi til kanningarúrslitið er tøkt.

*Børn yngri enn 12 ár eru undantikin, bæði tá ið tað kemur til covid-19 kanningina og avgjaldið, men foreldur ella avvarðandi skulu kunna skjalprógva aldurin hjá barninum við td. passi.

Atlantic Airways hevur gjørt hesar serskipanirnar til sínar kundar, ið vilja útseta sínar ferðir:

Broyt ferðaseðilin uttan broytingargjald
Fá ein tilgóðarseðil uppá fullu upphæddina

Atlantic Airways og Vága Floghavn krevja, at øll ferðandi skulu vera í andlitsmasku bæði á flogvøllinum og á flogferðini. 

Orsakað av covid-19 hava nógv lond sett í gildi innferðaavmarkingar. Tú sum ferðandi hevur sjálv/ur ábyrgdina av, at tú lýkur treytirnar fyri at sleppa inn í landið, tú ferðast til. Upplýsingar um møguligar innferðaavmarkingar eru ofta at finna á heimasíðuni hjá uttanríkismálaráðnum í landinum, har tú ert býrt ella ert ríkisborgari.

GG! Ferðafólk, ið eru sjúk av covid-19, hava covid-19-sjúkueyðkenni ella eru í sóttarhaldi, sleppa IKKI at ferðast við Atlantic Airways.

TÍÐINDABRÆV

Melda til okkara tíðindabræv og fá tilboð og tíðindi um t.d. nýggjar farleiðir og ferða-prei beinleiðis í innbakkan.