Farsporpolitikkur

Eitt farspor er ein lítil tekstfíla, sum verður goymd á tíni teldu, tínum teldli ella tíni fartelefon. Tað er neyðugt at brúka farspor fyri at heimasíðan og/ella appin hjá Atlantic Airways virka sum ætlað.

Vit brúka farspor fyri at betra um tína ferð á heimasíðu okkara. Hetta gera vit við t.d. at:

• Minnast títt seinast valda ferðamál, mál á heimasíðu, innritan, valdu stillingar í samband við Súluvangan v.m.
• Eftirmeta brúkaraatburð á heimasíðu okkara fyri at kunna menna og betra um heimasíðuna so hvørt, og gera tað so einfalt sum gjørligt hjá tær at keypa eina ferð og/ella leita fram kunning.
• Greina brúkaraatburð á heimasíðu okkara fyri at vísa tær viðkomandi sølufremjandi innihald, tá ið tú vitjar aðrar síður.

Tey ymsu farsporini strika seg sjálvi, tá ið tíðin er farin.

T.d. nýta vit m.a. “session cookies” í sjálvari bíleggingarskipanini. Hesi farspor verða strikað, tá tú letur kagan aftur, men onnur sum t.d. “language cookies” og “Google Analytics” farspor verða goymd longur.

Tað er møguligt hjá tær at broyta farspors-stillingarnar í kaganum, so tú ikki goymir nøkur farspor.

Legg til merkis, at uttan neyðug farspor, kann tað vera, at summi týðandi øki á heimasíðu okkara ikki rigga sum ætlað.

Møguligt er at nýta kagan í “incognito” ella “private” standi, um tú ikki vilt, at kagin skal goyma farspor eftir tína vitjan. Kanna sjálv/ur, hvussu tú gert tað við kaganum, tú brúkar.