Innskriving

Vit viðmæla, at tú skrivar teg inn í góðari tíð. Vinaliga kanna í yvirlitinum niðanfyri, hvat er galdandi fyri flogvøllin, ið tú ferðast frá.

Innskriving í Føroyum letur upp 1 tíma og 30 minuttir áðrenn fráferð og letur aftur 30 minuttir áðrenn fráferð.

Innskriving í Keypmannahavn og Billund letur upp 3 tímar áðrenn fráferð og letur aftur 45 minuttir áðrenn fráferð.

Innskriving í Aalborg letur upp 2 tímar áðrenn fráferð og letur aftur 45 minuttir áðrenn fráferð.

Í Keflavík letur innskrivingin upp 2 tímar og 30 minuttir áðrenn fráferð og letur aftur 30 minuttir áðrenn fráferð.

Innskriving á øllum øðrum ferðamálum letur upp 2 tímar áðrenn fráferð og letur aftur 1 tíma áðrenn fráferð.

Talgild innskriving

48 tímar áðrenn fráferð ber til at innskriva seg á okkara heimasíðu.

Tú kanst senda ferðapassið (boarding pass) á tína fartelefon sum SMS, við telduposti ella leggja tað afturat tínari "wallet". 

Møguligt er eisini at innskriva seg við at nýta Atlantic Airways appina - tøk á iOS og Android. Ferðapassið kanst tú goyma á telefonini.

Les meira HER

Sjálvavgreiðsla

Á flogvøllinum í Vágum eru fleiri sjálvavgreiðslur.

Tú kanst brúka bíleggingarnummarið ella passið til at finna tína bílegging. Hevur tú innskrivað teg heimanifrá, kanst tú skanna strikukotuna.

Við sjálvavgreiðslunum kanst tú eisini útskriva tíni viðførismerkir (bag tags).

Sjálvvirkandi viðførisavgreiðsla

Á flogvøllinum í Vágum eru tvey viðførisbond við sjálvavgreiðslu.

Um tú innskrivar teg í sjálvtøkunum, setir merkið á viðførið, kanst tú fara beinleiðis til sjálvavgreiðsluna, seta viðførið á bandið, skanna strikukotuna, og nøkur sekund seinni fer kuffertið eftir bandinum, og avgreiðslan er liðug.

Einasta treyt er, at tú ikki hevur meira viðføri við enn loyvt. Um so er, noyðist tú til tann mannaða innskrivingarpultin.