Tíðindi

Aftur í ár letur Atlantic Airways 125.000 kr í stuðli frá stuðulsskipanini Listaflog, og í ár hevur stuðulsnevndin valt, at stuðulin fer til føroyska folk-popp-bólkin Tøgn og rithøvundin Vónbjørt Vang.

Í eina fjórðingsøld hevur hann stjórnað Føroya Symfoniorkestri, men á nýggjárinum takkar Bernharður Wilkinson fyri seg og stjórnar orkestrinum fyri seinastu ferð. Maðurin við føroyska-bretska samleikanum og íblástri úr Íslandi hevur um nakar sett dám á og ment klassiska tónleikaumhvørvið í Føroyum. Sjálvur sigur hann, at talan var um kærleika við fyrsta eygnabrá. Nú vil hann uppliva heimin av nýggjum

Meðan onnur leita út í heim, leitar Lea Kampmann heim aftur. Meðan fólk flest seta ferðina upp, setur 27 ára gamla tónlistakvinnan ferðina niður. Útgávan ‘Seinferð’ er ein uppreistur móti nógvu ferðini í okkara samfelag í dag. Ein sansandi ferð inn í føroysku náttúruna, sum hvørki kann temjast ella stýrast til at seta ferðina upp. Ein ferð til røturnar og lívið hjá Leu heima í Vestmanna í Føroyum.

Tá ið Karin Visth í 2013 kom til Føroya at arbeiða sum vínserfrøðingur í KOKS, roknaði hon ikki við, at hon fleiri ár seinni fór at hava uppbygt sær eitt lív her við føroyskum manni og børnum. Nærlagdi víntænarin úr Sveis eigur stóran lut í ótrúligu ferðini hjá KOKS móti Michelin-stjørnunum, og hvønn dag gevur hon sítt íkast til menningina av Føroya gastronomisku framtíð

Tað er ikki fyrr enn nýliga, at Elin á Rógvi av álvara er farin at kalla seg rithøvund. Upprunaliga var tað ikki tað, hon ætlaði. Men í roynd og veru kundi hon ikki lata vera. Har var ov nógv, ið mátti út. – Eg minnist, at eg hevði eina diskettu, og har stóð ‘Plan b’ á. Tað var í roynd og veru plan b, at eg setti meg at skriva, sigur Elin á Rógvi

Á 37 ára degnum fyri fyrstu flogferðina hjá Atlantic Airways, letur flogfelagið enn eina ferð fíggjarligan stuðul gjøgnum stuðulsskipanina Listaflog.

Bjarta Osberg Johansen og hinar á hondbóltslandsliðnum hava fingið nógv burtur úr lítlum. Í november skulu tær spæla endaspæl á fyrsta sinni

Tað er so lætt at falla fyri freistingum og gerast offur fyri mentanarídnaðinum. Tað heldur yrkjarin Beinir Bergsson, ið óttast spíssborgarligu tilveruna sum eitt ótilvitað menniskja á ferð gjøgnum lívið. Lagnan og undirgrundsmentanin í høvuðsstaðnum hava kynt upp undir blómandi yrkjaran

Í summar flyta tær fimm nunnurnar í Føroyum av landinum, tí eftir 93 ár gevst fransiskanarsystralagið her á klettunum. – Tað er sorgblítt at siga Føroyum farvæl, men vit gleðast um, at katólska kirkjan heldur fram, og vit ivast ikki í, at vit fara at fóta okkum í øðrum kleystri, siga systrarnar. Ein grundarsteinur í kallinum hjá Fransiskanarasystrunum er at síggja allan heimin sum sítt heim og at boða gleðiboðskapin til øll

Hann lurtar eftir Tinganesti og Vágaverki, men verður samstundis flogin kring allan heimin til myndatøkur fyri nøkur av heimsins størstu klædnamerkjum. Meðan vinmenninir enn búgva í heimbygdini Miðvági, býr hann í Nashville saman við unnustuni, sum er altjóða poppstjørna. Í mótaheiminum er 22 ára gamli Jegor Antonov Venned supermodell, men í sínum egna hugaheimi er hann bara ein vanligur bygdardrongur úr Miðvági við einum óvanligum arbeiði 

Føroysk ítróttasøga varð skrivað, tá ið Føroyar fyrst bastu Ukraina í høllini á Hálsi og síðan nakrar dagar seinni á fyrsta sinni vunnu seg víðari til fyrsta EM-endaspæli í hondbólti – hondbóltshýrurin í Føroyum hevur sjáldan verið betri

Ásannandi, at tað bert eru eini 90 ár síðan, at føroyskt mál varð viðurkent sum undirvísingarmál, og at tað bert tekur eitt ættarlið at syndra eitt mál, so er tað einki løgið, at Jonhard Mikkelsen er ein ótolin maður. Hann er ágrýtin og avgjørdur, og eiðir smoyggja seg inn ímillum orðini. Men tað er ikki av málsligari armóð, at hann tekur harðliga til -  tvørturímóti er tað fyri at undirstrika álvaran í tí, hann tosar um. <br />Maðurin, sum stjórnar Sprotanum, hevði als ikki væntað, at hetta, sum hendi, skuldi henda. At navnorðið Sprotin (ein sproti) skuldi knoðast til eitt sagnorð, og at tað fór at bera øllum til at sprota. Slíkt hendir bara í hendinga førum.<br />