Nýggj ferðaseðlasløg: Lætt, Hent og Vítt

Vit ferðast øll ymiskt. Onkuntíð er handviðførið nóg mikið, aðrar ferðir hava vit tørv á meira viðføri, og viðhvørt ynskja vit størri smidleika og frælsi at broyta ferðina. Við teimum nýggju ferðaseðlasløgunum kanst tú velja tað, sum hóskar best til tín og tína ferð.

Lætt: Tá handviðførið er nóg mikið

Við Lætt velur tú eina einfalda ferð og kanst ferðast bíligari uttan innskrivað viðføri. Lætt er eitt gott val til tín, sum ferðast lætt og bert hevur handviðføri við.

Broytir tú meining og fært tørv á meira viðføri, kanst tú lætt keypa innskrivað viðføri afturat seinni.

Hent: Tá tú hevur tørv á meira

Við Hent leggur tú meira afturat ferðini. Hetta ferðaseðlaslagið hóskar væl til tín, sum hevur tørv á innskrivaðum viðføri og ynskir meira við tær á ferðini.

Vítt: Tá tú ynskir størri frælsi

Við Vítt fært tú nógv meira við tær. Tú fært størri smidleika og meira frælsi at broyta ferðina, tá tú ynskir tað. Vítt er tí eitt gott val til tín, sum ynskir størri frælsi.

Vel ferðaseðilin, sum hóskar til tín

Við Lætt, Hent og Vítt verður einfaldari at velja ferðaseðil eftir tínum tørvi. Tú velur sjálv/ur, um tú ynskir eina lætta og einfalda ferð, meira viðføri ella størri smidleika.

Nýggju ferðaseðlasløgini eru galdandi fyri ferðir frá 1. november 2026, sum eru keyptar eftir 3. september 2026.