New York

Í sambandi við komur og fráferðir í New York verður skipað fyri snarbussi inn í býin, sum serliga er ætlaður til ferðandi við Atlantic Airways.

Tá ið tú lendir í Stewart International Airport í New York, viðmæla vit at bíleggja pláss við bussinum.

Bussurin koyrur beinleiðis til bussterminalin beint við til Time Square uttan steðg. Ein ferðaseðil við bussinum kostar USD 25 fyri hvønn + USD 3.99 fyri hvørja bílegging. Túrurin tekur 90 minuttir. Tað er lætt og ómakaleyst!

Bílegg pláss við bussinum HER

TÁ IÐ TÚ LENDIR Í NEW YORK

• Vel fráferð úr "Stewart International Airport (SWF) - New York" til "New York, NY"
• Vel fráferðina kl. 19:30 (7:30PM)
• Tú verður sett/ur av á Port Authority Bus Terminal beint við Time Square kl. 21:00 (9:00PM) á 41st St millum 8th Ave og 9th Avenue. 

TÁ IÐ TÚ SKALT HEIM ÚR NEW YORK

• Vel fráferð úr "New York, NY" til "Stewart International Airport (SWF) - New York"
• Vel fráferðina kl. 07:00 (07:00AM)
  Fráferð er frá sama staði, ið tú bleivst sett/ur av: "New York, NY, Coach USA Airport Bus Stop" á 41st St millum 8th Ave og 9th Avenue
• Koma á flogvøllin Stewart kl 08:30 (08:30AM)

The Electronic System for Travel Authorization (ESTA) er ein sjálvvirkandi skipan, sum finnur útav, hvørt tú hevur rætt til at ferðast til USA gjøgnum sonevndu Visa Waiver skipanina.

Øll, sum ferðast til USA gjøgnum Visa Waiver skulu senda sítt ferðaloyvi inn í seinasta lagi 72 tímar áðrenn fráferð, og eisini skulu ferðandi vísa loyvið, áðrenn tey fara umborð á flogfarið til USA.

Tú kanst søkja um ESTA við at á leinkjuna niðanfyri (letur upp í nýggjum kaga).

ESTA

Tú skalt útflýggja okkum smálutir um øll ferðandi áðrenn fráferð - talan er um "Advanced Passenger Information" APIS. Hetta er eitt krav frá myndugleikunum í USA. 

Vit hava tørv á hesum frá tær: 

• Passnummar
• Útgongudagfesting

Amerikanskir myndugleikar krevja, at børn yngri enn 18 ár hava skrivliga váttan frá báðum foreldrum/verjum ella tí foreldri/verja, ið ikki er við á ferðini, tá børn ferðast við øðrum ella bara annað foreldrið er við á ferðini. Váttanin skal vera á enskum.

Neyðugt er við váttan í hesum førunum: 

• Tá ið eitt barn yngri enn 18 ár skal inn í USA við ommu/abba uttan fylgi av foreldrum.
• Tá eitt barn yngri enn 18 ár skal inn í USA einsamalt.
• Tá eitt barn yngri enn 18 ár skal inn í USA við skúla, ítróttarfeløgum og líkn.
• Tá eitt barn yngri enn 18 ár skal inn í USA við øðrum enn sínum foreldrum.
• Tá eitt barn yngri enn 18 ár skal inn í USA og ferðast við einum foreldri/verja (váttan neyðug frá hinum foreldrinum/verja)

Tú kanst lesa meira um hetta, og hvussu váttanin skal gerast á heimasíðuni hjá ESTA (letur upp í nýggjum kaga).

Vinaliga set teg inn í møguligar Covid-19 ferðaavmarkingar og ferðaávaringar. Tað kann m.a. gerast á heimasíðuni hjá danska uttanríkisráðnum HER.