Barcelona – meira enn ein stórbýur

Ferðaætlan

Beinleiðis fráferðBeinleiðis heimferð

2027

juni

mátýmihófrlesu

juli

mátýmihófrlesu

august

mátýmihófrlesu

september

mátýmihófrlesu

Í 2027 flúgva vit til Barcelona hvønn mikudag frá 23. juni til 22. september.

Flúgv til Barcelona og fá eina góða blanding av stórbýarlívi, strondum, mati, mentan og søgu. Býurin hevur nógv at bjóða í sær sjálvum og er samstundis eitt gott útgangsstøði til at uppliva meira av Katalonia.

Norðanfyri liggur Costa Brava við klettum, smærri strondum og havnabýum, meðan Costa Daurada sunnanfyri hevur langar strendur og væl umtókt ferðamál sum Salou og Tarragona. Stutt er til víngarðar, miðaldarbýir og støð, sum eru á listanum yvir siðaarv hjá UNESCO.

Fakta um Barcelona

Íbúgvatal	1.600.000
Mál	Spanskt
Gjaldoyra	EUR

Saman um sól og upplivingar

Barcelona og økið rundanum er væl egnað til familjuferiuna. Her gert tú av, um dagarnir bjóða sól og strond, býarlív ella útferðir. Tað er lætt at koma runt, og her eru hópin av upplivingum bæði til børn og vaksin.

Costa Brava
Norðanfyri Barcelona liggur Costa Brava, kent fyri kláran sjógv, smáar víkir og hugnaligar havnabýir. Her kann familjan njóta dagar á strondini, fara ein túr í báti og vitja býir sum Tossa de Mar og Calella de Palafrugell.
Costa Daurada og Salou
Sunnanfyri Barcelona liggur Costa Daurada við væl umtóktum feriubýum. Salou er eitt gott val til familjuferiuna við strondum, góðum hotellum, matstovum og nógvum lívi. Har frá er eisini stutt til aðrar upplivingar í økinum.
Tarragona og PortAventura
Tætt við Salou liggur Tarragona, har tú kanst uppliva rómversk fornminni, sum eru á listanum hjá UNESCO yvir siðaarv. PortAventura World liggur eisini í økinum og bjóðar stuttleikaparkir og vatnland við upplivingum fyri bæði børn og vaksin.

Býarferð, matur og mentan

Barcelona er upplagt til eina býarferð við makanum ella vinfólkum. Her ganga arkitektur, shopping, góður matur og livandi býarlív hond í hond. Tað er lætt at ganga millum býlingarnar og finna bæði kend ferðamál og smá hugnalig støð.

Gaudí og Barcelona
Sagrada Família, Park Güell og Casa Batlló eru millum kendastu verkini hjá Antoni Gaudí. Fleiri av verkum hansara eru á listanum yvir siðaarv hjá UNESCO og geva Barcelona sín heilt serliga dám.
Gamli býurin og El Born
Í gotiska býlinginum og El Born eru smalar gøtur, torg, kaffihús og matstovur. Her kanst tú uppliva søguna í býnum, njóta góðan mat og merkja livandi stemningin í Barcelona.
Girona
Girona er eitt gott val til eina dagsútferð úr Barcelona. Gamli býurin hevur miðaldargøtur, søguligar múrar og litføgur hús við ánna Onyar. Her er róligari enn í Barcelona, men framvegis nógv at síggja og uppliva.

Ein virkin ferð í náttúruni

Fyri tey, sum vilja hava meira ferð í feriuni, hevur Katalonia nógv at bjóða. Her kanst tú fara gongutúrar í fjøllunum, súkkla, rógva kajakk, snorkla og uppliva bæði strond og náttúru uttan fyri býin.

Montserrat
Montserrat er eitt sermerkt fjallaøki stutt frá Barcelona. Her kanst tú vitja kleystrið og ganga túrar millum eyðkendu klettarnar. Leiðirnar eru í ymiskum torleikastigum, og útsýnið yvir landslagið er stórsligið.
Kajakk og snorkling á Costa Brava
Costa Brava er væl egnað til kajakk, snorkling og aðrar upplivingar á sjónum. Serliga kring Begur, Llafranc og Medes-oyggjarnar eru góðir møguleikar at uppliva klettar, smáar víkir og kláran sjógv.
Súkkling og gongutúrar
Katalonia hevur nógvar góðar leiðir til bæði súkkling og gongutúrar. Tú kanst súkkla millum víngarðar og smærri bygdir ella ganga fram við strondini og í fjøllunum. Tað ber væl til at velja bæði styttri og longri túrar alt eftir torleikastigi og áhuga.