Edinburgh

Í 2026 og 2027 flúgva vit beinleiðis til Edinburgh 1–2 ferðir um vikuna.

GG! Frá 1. apríl 2025 var kravt, at øll, ið skulu ferðast í Stóra Bretlandi, hava eitt sokallað ETA, Electronic Travel Authorisation. Tað ber til at søkja um hetta á netinum ella við eini app. Viðgerðartíðin er upp til tríggjar arbeiðsdagar. Trýst HER fyri at søkja um eitt ETA. Um tú vilt vita meira ber til at trýsta HER.

Visti tú, at flogtíðin bert er ein góðan tíma? Býarskáar til Edinburgh ganga sum heitt breyð, og tað er ikki uttan orsøk, tí har er nógv at taka sær til bæði, tá ið tað kemur til innkeyp, mentan, siðsøgu, matmentan við meira.

Jóladámurin í skotska høvuðsstaðnum er heilt serligur, og víðagitna Edinburgh Christmas Market er eitt mást, tá tú vitjar Edinburgh um jóltíðir.

Annars ber til at vitja kenda Edinburgh Castle ella far ein ræðutúr í Edinburgh Dungeon. Spáka tær eftir stóru innkeypsgøtuni Princes Street ella síggj býin frá ovaru hædd á einum Hop on/Hop off bussi. Edinburgh er í øllum førum eitt gott val til tína næstu ferð!

Hevur tú fyrispurningar, ert tú vælkomin at seta teg í samband við okkum við at ringja á telefon +298 34 10 00 ella við at senda ein teldupost til [email protected]

Vit eru til reiðar at hjálpa tær!