Viðførisreglur

Við LÁGPRÍS og TÍÐLIGA ferðaseðlum kanst tú hava eitt stykki av viðføri við ókeypis, sum vigar upp til 23 kg. Harumframt kanst tú hava eitt hondviðføri (í mesta lagi 8 kg) við ókeypis.  

Við einum ALTÍÐ ferðaseðli kanst tú hava tvey stykkir av viðføri við ókeypis, sum viga upp til 23 kg hvørt, umframt hondviðføri. 

Pr. 01. januar 2017 eru viðførisreglurnar soleiðis:

 

LÁGPRÍS 1 stk á 23 kg
TÍÐLIGA 1 stk á 23 kg
ALTÍÐ 2 stk á 23 kg
Barn 1 stk á 23 kg

 

Yvirvekt frá 01. januar 2017

Eyka viðføri á 23 kg 249 DKK
Vekt 23,1 – 32 kg +199 DKK

 

Innskrivað viðføri verður pakkað soleiðis

Vit mæla til, at alt viðføri er skilliga frámerkt við navni og telefonummari hjá tí ferðandi. Viðføri skal verða pakkað soleiðis, at tað tolir vanliga viðførisviðferð. Tað merkir, at viðførið skal bæði tola at bera við annað viðføri á viðførisbandinum og verða lastað í og úr flogfarinum. 

Ferðandi hava sjálvi ábyrgd av at pakka innskrivaða viðføri sítt soleiðis, at innihaldið ikki fær skaða. Sambært Montrealsamtyktini ábyrgdast ferðandi fyri skaða, sum flogfelagið hevur elvt til, um viðførið er skilaleyst pakkað, t.d. um ein fløska við løgi brotnar og skaðar annað viðføri. 


Handviðføri

Mát í mesta lagi: (55x40x25cm).  Vekt: 8 kg + teldutaska 

Er nøgdin av handviðføri ov stór í mun til kapasitetin umborð, tilskila vit okkum rætt til at seta nakað av viðførinum í lastina á flogfarinum. Eyka viðføri ella ov stórt handviðføri kann verða tikið frá teimum ferðandi, tá ið skrivað verður inn. Tað verður vigað, merkt við ferðamálinum hjá tí ferðandi og lagt í lastina saman við restini av viðførinum. 

GG: Hav altíð heilivág í handviðførinum, so tú ikki manglar hann, skuldi viðførið verið seinkað. 


Inn-kekkað viðføri

Vit taka ikki móti viðføri, ið vigar oman fyri 32 kg/stk. Vektmarkið er ikki galdandi fyri elektriskar koyristólar og ávíst annað viðføri, ið ikki ber til at taka sundur. Til dømis kavaraútgerð, stór ljóðføri ella livandi dýr í lastini.


Viðføri, sum ikki verður góðtikið 

Tað er skylda hjá tí ferðandi at syrgja fyri, at viðførið ikki inniheldur nakað, sum kann seta flogfar, persónar ella góðs umborð á flogfarinum í vanda ella elva til skaða. Tað kann vera m.a. tað, sum er nevnt sum vandamikið góðs í altjóðareglunum hjá Mere om forbudte genstande på Trafikstyrelsens hjemmeside.

LEGG TIL MERKIS: Ferðandi hava ábyrgd av, at viðførið er skilagott pakkað og ikki hevur bannaðar lutir.


Lithium-batterí

Atlantic Airways fylgir leiðreglunum hjá IATA um flutning av lithiumbattaríum. Les meira um reglurnar her.

Legg tó til merkis, at tað av trygdarávum ikki er loyvt at hava við sær Personal Movement Devices (PMD) við lithiumbattaríum (t.d. hoverboard, solowheels, segway o.s.fr.). Alt slíkt verður sent sum frakt.

Ikki er loyvt at nýta elektroniskar sigarettir í flogførunum hjá Atlantic Airways. Tær skulu verða verandi í handviðførinum á ferðini. Sama er galdandi fyri elektroniskar pípur og sigarir.


Innkekkað viðføri

Vit mæla til, at niðanfyri nevndu lutir ikki verða tiknir við í innskrivað viðføri, av tí at vit hava avmarkaða endurgjaldsábyrgd, um so er, at innskrivað viðføri verður skatt ella mist:

- Virðislutir sum: pengar, prýði/gimsteinar, telda/útgerð, telduspælútgerð, myndatól/videotól og fartelefon

 

Viðbreknir lutir

- Glas og/ella fløskur

- Matur, sum ikki heldur sær

- Brillur/sólbrillur

- Lyklar

- Arbeiðsskjøl

- Samleikaskjøl

- Heilivágur og medisinskar váttanir


Barnavognur/klappvognur verður innskrivaður sum vanligt

Ferðast tú við barni kanst tú hava barnavogn/klappvogn við sum innskrivað viðføri, uttan at tað kostar nakað.

Ber til at skifta vognin í tveir partar, eigur tað altíð at verða gjørt. Pakka hvønn partin í plastposa ella aðra verju. Vit hava serligar plastposar á skrivstovuni hjá Atlantic Airways á flogvøllinum fyri 25 kr/stk. Legg til merkis, at bert barnavognurin/klappvognurin skal verða pakkaður í plastposarnar.


Bilstólur til pinkubørn (0-2 ár) 

Vilt tú hava bilstól við umborð, skalt tú bíleggja barnaferðaseðil til pinkubarn títt og tískil rinda sama prís sum fyri 2-11 ára gomul børn. Bilstólurin kann annaðhvørt vera fram- ella afturvendur og verður spentur fastur í setrið við síðuna av tínum. Tá ið tú bíleggur setur til bilstól, skalt tú seta teg í samband við kundatænastuna +298 341000

Innskrivaður bilstólur er ókeypis.


Súkkla

Bestu ráðini eru at pakka súkkluna í súkklutasku ella –kuffert. Eingin skráseting er kravd frammanundan! Ferðast tú uttan súkklutasku, skalt tú snara róðrinum eitt fjórðingsumfar, skrúva pedalurnar av og lat luftina úr dekkunum. Súkklan verður roknað sum eitt stykki av viðføri.

El-súkklur verða mettar sum vandamikið góðs og eru ikki loyvdar at hava við.


Kavaraútgerð

Kavaraútgerð kann fevna um trýstfløsku (tóm), eitt sett við regulatori og octopussi, ein vest, eina kavaragrímu, fitjar, eitt snorkul umframt lykt (lykt og battarí skulu vera sundurskild).

Kavaútgerðin verður roknað sum eitt stykki av viðføri.


Fiskiútgerð

Tráður skulu í rør úr slagføstum tilfari. Fiskiútgerð verður roknað sum eitt stykki av viðføri.


Golftaska

Í golftaskuni kunnu í mesta lagi vera 14 golfkylvur, 12 golfbóltar og einir golfskógvar. Golftaskan verður roknað sum eitt stykki av viðføri.


Ljóðføri

Ljóðføri kunnu havast við í kabinuna, um mátini á ljóðførinum ikki fara upp um mátini fyri handviðføri (55 x 40 x 23 cm) og í mesta lagi 8 kg. 

Vilt tú hava ljóðføri við í kabinuna, sum er størri enn hesi mát (max. 140x46x30cm), skalt tú seta teg í samband við kundatænastu okkara. Tú mást bíleggja tín egna ferðaseðil og eitt eyka setur til ljóðførið fyri galdandi ferðaseðlaprís samstundis.

Um tú skrivar ljóðførið inn, skal tað vera í hørðum húsa, og verður tað roknað sum eitt stykki av viðføri.


Málningar og onnur list

Málningar, sum ikki eru størri enn mest loyvdu mát (55 x 40 x 25), kunnu verða tikin í kabinuna. Størri málningar mugu verða væl innpakkaðir, tí teir skulu í lastina. Viðførið kemur á bandið í komuhøllini. Málningar, sum skulu í lastina, verða roknaðir sum eitt stykki av viðføri.


Koyristólur

Hjá Atlantic Airways verða koyristólar altíð fluttir uttan kostnað. Til tess at tryggja at tú fært ta hjálp, tær tørvar, heita vit á teg at skráseta koyristólin, tá ið tú bíleggur, í seinasta lagi 48 tímar fyri fráferð. Fleiri upplýsingar um ferðing við nedsat førlighed findes her


Livandi dýr (bara innan fyri Schengen)

Atlantic Airways góðtekur livandi dýr (bara hund og kettu) at verða flutt í lastini ella kabinuni eftir heilt serligum treytum. Ferðandi við dýrum skulu kekka inn í minsta lagi 1 tíma fyri fráferð.

Atlantic Airways hevur ikki ábyrgd av, at dýr hava øll neyðug ferðaskjøl, so sum innanríkis- og uttanríkisloyvi, heilsuváttan ella onnur neyðug ferðaskjøl í sambandi við, at dýrið fer til ella ferðast gjøgnum eitthvørt annað land. Álagt er teimum ferðandi at gjalda eina og hvørja bót ella allan eykakostnað, sum flogfelagið fær í sambandi við, at dýr eru við á ferðini.

Atlantic Airways mælir øllum ferðandi, sum skulu ferðast við hundi/kettu, at seta seg í samband við djóralækna fyri at tryggja sær, at dýrið klárar eina flogferð. Atlantic Airways hevur hvørki djóralækna í teimum ymsu floghavnunum ella við á ferðini.

Ferðandi, sum ferðast við dýrum, skulu fylla út hetta oyðublaðið HER. Tað skal latast kekk-inn, tá ið tú fert avstað.

Non-Schengen: livandi dýr til Stórabretlands verða send sum frakt.


Djóraflutningur í kabinuni

Smærri kelidjór (hundur og ketta) kunnu vera í kabinuni eftir serligum treytum. Dýr, sum kunnu vera í lastini, fáa ikki góðkenning at vera í kabinuni. Kabinan er avmarkað til tvey dýr fyri hvørja flogfráferð. Tí er neyðugt at boða okkum frá, um tú ætlar at ferðast við dýrum í kabinuni.

Tvey dýr kunnu verða send í sama búri, um dýrini frammanundan kenna hvørt annað væl. Dýrið skal verða fraktað í IATA-góðkendum búri. Mesta vekt fyri búr og dýr er 8 kilo við hesum mátum sum mest loyvdu 43x31x20 cm.

Vit mæla til eina sokallaða “sherpatasku”, sum er fleksibul í stødd. Ytru mát á slíkari tasku kunnu vera størri enn støddin á búrinum, um hon kann stúvast saman til at vera innan fyri mest loyvdu mát, samstundis sum dýrið hevur nøktandi pláss í búrinum. Sherpataskur eru at keypa í fleiri djórahandlum.

Djór, sum skulu við í kabinuna, verða roknað sum eitt stykki av handviðføri.

GG! Tað kostar DKK 199 fyri hvørt djór, sum skal við í kabinuna. 


Djóraflutningur í lastini

Hetta slagið av flutningi er avmarkað til 2 dýr fyri hvørja flogfráferð. Tvey dýr kunnu vera í sama búri, um dýrini frammanundan kenna hvørt annað væl. Mesta vekt er 14 kg pr. dýr, um tey verða send í sama búri. Um tey ikki lúka hesi krøv, skulu dýrini verða flutt í hvør sínum búri. Dýr (hundur og ketta), sum verða flutt í lastini, skulu vera minst 8 vikur.

GG! Dýrið skal vera í búrinum frá kekk-inn, til tað verður heintað í komufloghavnini.

Búr til dýr í last: Tú skalt sjálvur syrgja fyri einum IATA-góðkendum flutningsbúri til kelidjórið. Stálbúr er ikki loyvt. Búrið skal vera úr haldgóðum tilfari umframt at vera vatntætt og reint. Búrið skal vera so stórt, at dýrið fær staðið uppi, vent sær á og ligið í natúrligari støðu. Vit mæla tí ferðandi at tryggja hurðina á búrinum við plastikkstripsi, fyri kekk-inn og somuleiðis kanna, at búrið ikki er skatt. Búr, sum hava skaða, verða burturvíst, tá ið kekkað verður inn.

Mestu mát á búrinum eru 150x70x70 cm (LxBxH). Vektmarkið á 32 kilo er ikki galdandi, tá ið dýr verða flutt í lastini. Fartelefonnummar eigarans skal standa á búrinum á stað, sum til eina og hvørja tíð er sjónligt.

EINGI HJÓL. Um búrið hevur hjól, skulu tey verða tikin av ella klistrað føst, soleiðis at búrið ikki rullar aftur og fram.

Djór, sum skulu í lastarúmið, verða roknað sum eitt stykki av viðføri.


Skíðir

Skíðútgerðin skal verða væl innpakkað. Skíðútgerð verður roknað sum eitt stykki av viðføri.


Surfboard/kiteboard

Kiteboard við segli og aðrari útgerð skal verða pakkað niður í tasku. Hvør taska verður roknað sum eitt stykki av viðføri.


Vatnskíð

Einar standardskíðir, einar slalomvatnskíðir ella eitt wakeboard kunnu vera í hvørjari skíðtasku. Útgerðin verður roknað sum eitt stykki av viðføri.


Windsurfing/hangglider

Eitt windsurfingbretti, eitt segl og ein bummur skulu verða pakkað í eina tasku. Útgerðin verður roknað sum eitt stykki av viðføri.


Vápn

Skotvápn skulu verða skrivað inn. Galdandi siðvenja er, at ferðandi skulu boða innskrivingarfólki í floghavnini frá, at tey vilja skriva vápn inn sum viðføri. Ferðast tú við vápni og lóðri, skalt tú altíð upplýsa:

- At tú hevur galdandi vápnaloyvi 

- At vápnið ikki er løtt 

- At vápnið, um tað ber til, er tikið sundur, og hvør staklutur pakkaður fyri seg í taskur, sum tú skrivar inn 

- Lóður verður mett sum vandamikið góðs og skal verða goymt í upprunapakningi, sum verjir móti hørðum stoyti 

- Lóðrið skal verða pakkað saman við tí týðandi partinum av vápninum ella fyri seg í eini tasku, sum tú skrivar inn. (Tú kanst í mesta lagi hava 5 kg av lóðri við tær)