Sveim+ Oss

Sveim+ kann keypast bæði sum einvegis og retur ferðaseðil. Grundað á tíni leitiynski, finnur tú altíð okkara bíligastu tøku einvegis ella retur ferðaseðlar á atlantic.fo.

So leingi sum fráferðin ikki er útseld, eru Sveim+ ferðaseðlar tøkir.

Um fráferðin er útseld, ber til at koma á bíðilista. Set teg í samband við Atlantic Airways á tlf. 34 10 00 ella við tína ferðaskrivstovu.

Børn yngri enn 12 ár fáa avsláttur, umframt at tann ferðandi, um viðkomandi hevur stovnað sær ein súlubonusvanga á atlantic.fo undan fráferð, sjálvandi fær súlubonusstig fyri ferðina.

Sveim+ á Danmarkar og NORÐ leiðunum hjá Atlantic Airways geva 1.000 súlubonusstig fyri ein einvegis ferðaseðil. Les meira um Súlubonus HER.

Ferðastaður, dagfesting og navn kunnu broytast. Tað er ókeypis at broyta navn, men broytir tú farleið ella ferðadag skal rindast fyri møguligan prísmun.

Um ferðaseðilin er keyptur á atlantic.fo, kanst tú sjálv/ur broyta ferðadag og ferðastað á okkara heimasíðu undir blaðnum “Mín ferð” uttan avgreiðslugjald eina ferð. Hevur tú tørv á at gera broytingar meira enn eina ferð, verður tú vinarliga biðin um at ringja til Kundatænastuna.

Broyting av navni kann bert gerast, um tú setur teg í samband við Kundatænastuna. Um ferðaseðilin er keyptur frá eini ferðaskrivstovu, er tað bert ferðaskrivstovan, sum kann broyta ferðaseðilin.

Um Kundatænastan hjá Atlantic Airways skal broyta ferðaseðilin, skal eitt avgreiðslugjald rindast. Vinaliga set teg í samband við tína ferðaskrivstovu fyri at fáa upplýst møgulig gjøld fyri ferðaseðlar, sum eru keyptir frá ferðaskrivstovuni.

Ja, møtir tú ikki upp til fráferð, kanst tú antin brúka ferðaseðilin seinni ella fáa hann endurgoldnan.

Ferðast tú beinleiðis víðari við einum samanhangandi ferðaseðli, kunnu aðrar treytir verða galdandi, og tú mást seta teg í samband við veitaran, har tú hevur keypt ferðaseðilin.

Ferðaseðilin er galdandi í 12 mánaðir frá fyrsta ferðadegi.

Vaksin og børn 2-11 ár kunnu hava tvey stykkir av viðføri við, sum viga upp til 23 kg hvørt, umframt 8 kg hondviðføri.

Pinkubørn uttan egið pláss og sum ikki eru fylt 2 ár, kunnu hava eitt stykki av viðføri upp til 23 kg við í innskrivaðum viðføri.

Tað ber til at bíleggja sitipláss, tá ið ferðaseðilin verður keyptur. Vit bjóða tær eisini at verða innskrivað/ur heimasíðu okkara 48 tímar undan fráferð frá flestu floghavnum.