Paris - CDG

Beinleiðis til býanna bý, París

Bienvenue a Paris! Nýggjasta ferðamálið hjá Atlantic Airways, ið flogið verður upp til tríggjar ferðir um vikuna.
Flogið verður hesar dagar:

Maj - september:  Mána-, miku- og fríggjadag

Oktober - apríl:  Mána- og fríggjadag

Mótahøvuðsstaður. Gastronomisk háborg. Kærleikans býur. Mentanar-metropolur. Býanna býur. Heitini á franska høvuðsstaðnum, París, eru so mong. Og ikki uttan orsøk. Tí franski høvuðsstaðurin svevur ongantíð og hevur óteljandi tilboð bæði til stór og smá.

Møguleikarnir í París eru óendaligir. Spáka ein túr eftir Champs-Élysées, vitja stórslignu Versailles borgina, et á eini av teimum mongu Michelin matstovunum, ein túr í Disneyland við børnunum, vitja litríka grannalagið á Montmatre, ein túr inn í Louvré savnið at síggja loyndarfulla smílið á Monu Lisu og ikki at gloyma eyðkenda býarmerkið, Eiffeltornið. Býarinnar býur er avgjørt verdur at vitja - minst eina ferð!

Hvussu við einum býarskáa í París? 

"París er altíð eitt gott hugskot" segði Audrey Hepburn tað so væl í filmsklassikaranum "Sabrina". Og vit kunnu ikki annað enn geva henni rætt, tí vit eru so púra samd. Franski høvuðsstaðurin kann vitjast aftur og aftur og aftur, og tú finnur altíð okkurt nýtt og spennandi at uppliva og síggja. 

Vit hava tí gjørt tað so lætt og smidligt fyri teg sum gjørligt og hava sett nakrar býarskáar saman til tín. Eitt várvikuskifti í París? Ja, takk! :) 

10.-13. apríl 2020 ella 15.-18. maj 2020
Hotel Sacha 
7 Rue de Navarin, Paris, 75009

Kostnaður: 4.795 DKK pr. persón, tá ið tvey bíleggja saman og deila dupultkamar.

Báðir býarskáarnir eru íroknað flogferð við avgjøldum og gisting í dupultkamari á Hotel Sacha við morgunmati í tríggjar nætur. 
Seinasta freist at bíleggja: 10. januar 2020 (býarskáin í apríl) og 13. februar 2020 (býarskáin í maj).

Treytir
- Bíleggingin er bindandi og skal rindast, tá ið tú bíleggur
- Broyting er ikki loyvd. Hvørki dagfesting, ferðatíð- ella mál ella navn
- Um tú avlýsir, verða bert ferðaavgjøld endurgoldin (- 100 DKK per persón í avlýsingargjaldi)
- Møtir tú ikki til fráferð, er øll ferðin mist 
- Avmarkað nøgd


Fyrivarni verður tikið fyri møguligum villum

Fakta um Paris - CDG

Íbúgvatal 2.200.000
Tíðargeiri GMT +1
Mál Franskt
Gjaldoyra EUR