Keypmannahavn

Nú myndugleikarnir avtaka kravið um sóttarhald fyri ferðandi úr Danmark, fara vit í summar at flúgva hvønn dag til Keypmannahavnar.

Danski høvuðsstaðurin var fyrsta ferðamálið hjá Atlantic Airways, tá ið flogfelagið varð sett á stovn í 1988, og er Keypmannahavn framvegis høvuðsflogleiðin hjá felagnum. 

Keypmannahavn hevur nógv at bjóða alt árið. Býurin er upplagdur bæði til longri og styttri ferðir, sum til dømis ein býarskáa, tí við matstovum í heimsflokki, góðum innkeypsmøguleikum, djóragarði, Tivoli, alskyns søvnum, strond og nógvum, nógvum øðrum, er okkurt áhugavert og stuttligt at finna uppá.

Spáka ein túr eftir 'Strøgnum' í Nyhavnina at eta ein ís og njót býarlívið frá bryggjukantinum. Leiga eina súkklu og súkkla ein túr framvið Amagerstrand ella kanska ein túr í Kongens Have ein góðveðursdag. Møguleikarnir at eta úti og uttandura eru sera fjølbroyttir og óteljandi. Tú fært alt frá eini pylsu á gongugøtuni til fínari mat á virðisløntum matstovum.

Vit kunnu ikki annað enn at viðmæla eina ferð til Keypmannahavnar bæði til stór og smá. 

Hevur tú fyrispurningar um pakkatúrar ella tilboð til Keypmannahavnar?

Ring 34 10 00 ella send ein teldupost til [email protected]

Vit eru til reiðar at hjálpa tær!


Fakta um Keypmannahavn

Íbúgvatal 1.300.000
Tíðargeiri GMT+1
Mál Danskt
Gjaldoyra DKK