_

Bólkaferðir

Eru tit 10 vaksin og/ella børn millum 2 og 11 ár, sum vilja ferðast saman, eru tit vælkomin at senda ein fyrispurning til okkara fyri at fáa eitt bólkatilboð. Ferðast tit saman sum ein bólkur, fáa tit meira smidleika og betri treytir. 

FYRIMUNIR
  • Smidligari treytir, tá ið tað kemur til inngjald og avlýsing av ferðaseðlum  
  • Ókeypis navnabroyting upp til 24 tímar undan fráferð
  • Bólkurin verður settur saman, tá ið nøvnini á teimum ferðandi eru upplýst Atlantic Airways
  • Eitt íroknað viðføri, sum vigar upp til 23kg fyri hvønn ferðandi
  • Forvinn súlubonusstig; stigini verða latin sambært okkara súlubonustreytum alt eftir farleið.

PRÍSIR OG TREYTIR
  • Bólkaferðaseðlaprísir kunnu víkja frá prísinum fyri einstakar ferðaseðlar; tó eru bólkaferðaseðlar smidligari
  • Navnabroyting er ókeypis upp til 24 tímar undan fráferð; eftir hetta kostar tað eitt broytingargjald fyri hvørja navnabroyting. Navnabroytingar kunnu gerast til í seinasta lagi tríggjar tímar fyri fyrstu  fráferð
  • Freist fyri gjald, navnalista, umframt aðrar treytir fyri broyting av ferðaseðlum o.a., verður ásett í hvørjum einstøkum tilboði
  • Bólkatilboð verða givin, um minst 10 vaksin og/ella børn ml. 2 og 11 ár ferðast saman.
  • Bólkaprísurin er bert galdandi, so leingi minst 10 fólk eru  í ferðalagnum sum ferðast samstundis. Pinkubørn - yngri enn 2 ár - telja ikki við. 

Tað einasta, tit skulu gera, er at fylla niðanfyristandandi oyðublað út og senda tað til okkara. Tit fáa síðani eitt tilboð sendandi innan 2-3 arbeiðsdagar.  

Bílegg her

Bólkatreytir

FERÐANDI

Bólkatilboð verða givin, um minst 10 vaksin ella børn ml. 2 og 12 ár ferðast saman.

Bólkaprísurin er bert galdandi, so leingi tað eru minst 10 fólk (pinkubørn - yngri enn 2 ár - telja ikki við) í ferðalagnum, og tey skulu ferðast samstundis.

GJALD

Bólkaferðaseðlar skulu vera rindaðir í seinasta lagi 30 dagar áðrenn fráferð.

Depositum á DKK200 pr. ferðandi verður kravt, og tað verður ikki endurgoldið.

NØVN

Nøvnini á teimum ferðandi skulu vera okkum í hendi í seinasta lagi 10 dagar áðrenn fráferð.

Nøvnini skulu samsvara við passið.

ÚTSKRIVING

Bólkaferðaseðlar skulu skrivast út í seinasta lagi 72 tímar áðrenn fráferð.

Ferðadagar og ferðamál kunnu broytast uttan eyka kostnað, til fulla gjaldið fyri
ferðaseðlarnar er móttikið. Er prísmunur á ferðaseðlunum, skal hann tó gjaldast.

Eftir at fulla gjaldið fyri ferðaseðlarnar er rindað kosta hesar broytingar DKK 200 fyri hvønn + møguligan prísmun. 24 tímar ella minni áðrenn fráferð kosta hesar broytingar DKK 500 fyri hvønn + møguligan prísmun. 

BROYTINGAR

Navnabroyting er ókeypis, fram til 24 tímar áðrenn fráferð. Skal navnið broytast millum 24-2
tímar áðrenn fráferð, kostar hetta DKK 600 fyri hvønn. Minni enn tveir tímar áðrenn fráferð, er navnabroyting ikki loyvd.

Avlýsing/endurgjald: Freistin fyri fullum endurgjaldi (- depositum) er 30 dagar áðrenn
fráferð.

Gisting/flutningur er bindandi fýra vikur áðrenn fráferð.

AVLÝSING/ENDURGJALD

Freistin fyri fullum endurgjaldi (-depositum) er 30 dagar áðrenn fráferð. 

Gisting/flutningur er bindandi fýra vikur áðrenn fráferð. 

VIÐFØRI

1 stk. (max 23 kg) pr. ferðandi + hondviðføri (max 8 kg) + 1 stk. teldu- ella hondtasku.

MINST TIL

Pass.

Ferðatrygging/avlýsingartrygging.

Tey ferðandi hava skyldu til at kanna, at nøvn og ferðatíðir eru røtt.

Møguligir skeivleikar skulu fráboðast beinanvegin.