Føroyar latið upp aftur fyri ferðing

Endiliga eru vit farin á flog aftur, og vit gleða okkum til at bjóða tær vælkomin umborð á Atlantic Airways.

Føroyar og føroyingar hava megnað at handfara avbjóðingina við koronasmittuna sera fyrimyndarliga. Bert fá hava verið sjúk, av korona í Føroyum.

Nú vit aftur kunnu ferðast til meginpartin av Evropa, hava myndugleikarnir sett krav um covid-19 kanning við komu til Føroyar. Hetta verður gjørt fyri at forða fyri, at smittan fer at breiða seg í Føroyum.  Børn yngri enn 12 ár eru undantikin.

Eisini hevur Atlantic Airways sett tiltøk í verk fyri at minka mest møguligt um smittuvandan.

Les um tiltøkini niðanfyri.

Føroyar latið upp aftur fyri ferðing

Til Føroyar:

Føroysku landamørkini eru nú latin upp fyri nógvum londum í Evropa.

Les meira her um hvør kann ferðast til Føroyar

 

Úr Føroyum:

Myndugleikarnir fráráða IKKI longur føroyingum at ferðast til flest øll lond í Evropa. Les meira á www.um.dk

Vit viðmæla tó, at tú setur teg inn í, hvørjar treytir eru galdandi í tí landinum, ið tú ætlar tær at vitja.

Øll, ið koma til Føroyar skulu kannast fyri covid-19

Myndugleikarnir krevja at øll, sum koma til landið, bæði føroyingar og útlendingar, skulu lata seg kanna, tá ið tey lenda í Vágum.

Tey ferðandi eiga tískil at fara í sóttarhald, til kanningarúrslitið er klárt. Vanliga eru kanningarúrslitini klár sama kvøld ella í seinasta lagi á middegi dagin eftir. 

Ferðafólk kunnu ikki vísa á covid-19 kanningar, sum eru tiknar í fráfaringarlandinum, tí hesar verða IKKI góðtiknar. 

Til og við 14. august 2020 er tað ókeypis at verða kannað/ur, tá ið tú lendir í Vágum. Eftir hetta kostar tað 390 DKK fyri hvørja kanning, sum tey ferðandi sjálvi skulu rinda.

Børn yngri enn 12 ár eru undantikin, men foreldur ella avvarðandi skulu kunna skjalprógva aldurin hjá barninum við td. passi.

Orsakað av hesum kann bíðitíðin, tá ið komið verður til landið, verða drúgvari enn vanligt.

Les nýggjastu ferðatilmælini HER, har tú eisini finnur tilmælini viðvíkjandi sóttarhaldi.

Hvat ger Atlantic Airways fyri, at smittuvandin er so lítil sum gjørligt?

ÁÐRENN TÚ KEMUR UMBORÐ:

Tað verður tikið hædd fyri møguligum smittuvanda, og tí verður gjørt eyka væl reint umborð á øllum okkara flogførum.

Áheitan á ferðafólk at boða frá, um tey hava verið í vandaøki, so til ber at taka neyðugu fyrivarnini og minka mest møguligt um smittuvandan.

MEÐAN TÚ ERT UMBORÐ:

Luftin umborð verður útskift og reinsað gjøgnum eitt serligt filtur, sum drepur 99,99% av bakterium.

Vit hava hert mannagongdir fyri at avmarka smittuvandan, bæði tá ið tað kemur til reinføri, eins væl og tá ið tað umræður mannagongdir hjá flogmanningini.

ANDLITSMASKUR: 

Øll ferðandi við Atlantic Airways eru í andlitsmasku á ferðini. 

GG! Ferðafólk, ið eru sjúk av covid-19, hava covid-19-sjúkueyðkenni ella eru í sóttarhaldi, sleppa IKKI at ferðast við Atlantic Airways.

Krav um andlitsmaskur

Eftir tilmæli frá ES og EASA, sum er evropeiski loftferðslumyndugleikin, verður tað nú er eitt krav, at øll ferðandi við Atlantic Airways, eru í andlitsmasku, sum verjir bæði nøs og munn. Hetta verður gjørt fyri at minka um covid-19 smittuvandan, og hetta er longu eitt krav hjá fleiri øðrum flogfeløgum.


Ferðafólk skulu sjálvi hava egna masku við og vera í henni frá tí, at farið verður umborð og alla flogferðina. Hetta er galdandi fyri allar flogferðir við Atlantic Airways. Børn yngri enn 6 ár eru tó undantikin. Undantøk verða gjørd fyri tey, ið av medisinskum ávum ikki kunnu vera í masku.

Vit viðmæla, at tú keypir maskuna áðrenn fráferð til dømis á apotekinum. Tú kanst lesa meira um hetta HER. Tó verður gjørligt at keypa maskur á flogvøllinum við kunningardiskin á farstøðini, umframt í DutyFree. 

Eisini ber til at keypa maskur á flogvøllinum í Kastrup (í 7/11 á landside millum Terminal 2 og 3) og á flogvøllinum í Billund. 

Gev gætur, at tað eisini er krav, at tey ferðandi eru í andlitsmaskum á flogvøllinum í Vágum og øllum donskum floghavnum.

Øll ferðafólk, ið ferðast við leið 300 av flogvøllinum og møguliga víðari við øðrum bussum ella fergum, skulu vera í andlitsmasku umborð. Ferðafólk uttan andlitsmasku sleppa ikki við. 

 

Øll okkara flogfør hava HEPA-filtur

Øll okkara flogfør hava HEPA-filtur (High Efficiency Particulate Air filtur), sum avmarka munandi um spjaðing av luftbornum dropum:

- Luftin verður beinanvegin trýst frá loftinum niður í gólvið

- Luftin umborð verður skift út 2.-3. hvønn minutt

- Fangar upp til 99,97% av øllum smáverum (mikrobum) sum td. virus og bakteriur

Kann eg keypa mat/drekka umborð?

Søla av mati og drekka umborð er fyribils steðgað.

Tú kanst tó taka okkurt lætt at eta og alkoholfrítt drekka við umborð (tvíflísar, góðgæti, sodavatn osfr.)

Hetta er sett í verk fyri at avmarka óneyðuga kontakt knýtt at mati, ruski og tænastu annars og harvið minka um covid-19 smittuvanda.

Kann eg taka mat/drekka við umborð?

Tú kanst taka okkurt lætt at eta og alkoholfrítt drekka við umborð (tvíflísar, góðgæti, sodavatn osfr.)

Hetta er sett í verk fyri at avmarka óneyðuga kontakt knýtt at mati, ruski og tænastu annars og harvið minka um covid-19 smittuvanda.

Eg skal ferðast til Íslands úr Føroyum:

Øll ferðafólk mugu skráseta seg á www.visit.covid.is, áðrenn fráferðina til Íslands.

Ferðandi, ið ferðast beinleiðis úr Føroyum til Íslands, eru undantikin kravinum um at taka eina covid-19 roynd, tá ið tey koma til Íslands. 

Ferðafólk, ið hava verið í "vanda londum" seinastu 14 dagarnar, áðrenn tey koma til Íslands, eru IKKI undantikin kravinum um at taka roynd fyri covid-19, tá ið tey lenda í Íslandi. Royndin verður tikin á flogvøllinum í Keflavík og kostar 9.000 ISK (uml. DKK 425).

Andlitsmaska við leið 300

Øll ferðafólk, ið ferðast við leið 300 av flogvøllinum og møguliga víðari við øðrum bussum ella skipum hjá Strandfaraskipum Landsins, skulu vera í andlitsmasku umborð. Ferðafólk uttan andlitsmasku sleppa ikki við. 

KONTAKTFRÍ FERÐING

Atlantic Airways hevur sett serlig tiltøk í verk fyri at minka um kontaktpunktini og harvið covid-19 smittuvandan

Øll ferðandi við Atlantic Airways vera í andlitsmasku, sum verjir bæði nøs og munn.

Vit gera eyka reint umborð á okkara flogførum
Luftin umborð er rein og verður leidd gjøgnum HEPA filtur, ið taka 99% av bitlunum í luftini
Vinaliga skrivið tykkum inn til ferðina á sjálvavgreiðslum og latið sjálvi viðførið inn í "bag drop"
Søla av mati og drekka er fyribils steðgað
Pútur og teppi eru tikin burtur
Blaðið "Atlantic Review" er tikið úr flogførunum fyri at minka um smittubreiðslu

VILT TÚ BROYTA TÍN FERÐASEÐIL?

Nú myndugleikarnir ráða fólki frá at ferðast, um tað ikki er neyðugt vil Atlantic Airways fegin hjálpa okkara kundum at finna bestu loysnirnar í hesi serstøku Covid-19 støðu.

Tí hava vit gjørt nakrar serskipanir, soleiðis at kundar kunnu broyta sínar ferðir uttan broytingargjald ella fáa ein tilgóðarseðil uppá fullu upphæddina.

Broyt tína flogferð

Um flogferðin er áðrenn 31. august kann ferðaseðilin broytast uttan broytingargjald. Er prísmunur á ferðaseðlunum, skal hann tó gjaldast. 

GG! Nógv trýst er á okkara Kundatænastu í løtuni. Vit heita tí staðiliga á ØLL, ið vilja útseta sín ferðaseðil. Um at trýsta á hesa leinkjuna niðast á síðuni og avgreiða broytingina á okkara heimasíðu.

Veitst tú ikki, nær tú vilt broyta til? Fá ein tilgóðarseðil

Atlantic Airways bjóðar øllum kundum, ið hava ein ferðaseðil og skulu ferðast áðrenn 14. august 2020, at útseta ferðaseðilin og harvið eiga fullu upphæddina til góðar til, tá ið tú vilt ferðast.

Er ferðin hjá tær avlýst, ber eisini til at søkja um ein tilgóðarseðil; eisini um ferðin er eftir 31. august 2020. 

Tilgóðarseðilin er galdandi fyri tann ella teir persónar, ið eru skrásettir í upprunabíleggingini.

Flogferðin skal bíleggjast innan 1 ár frá, tilgóðarseðilin er móttikin og ferðast kann upp til 360 dagar eftir ferðin er bíløgd.

Er ferðaseðilin keyptur frá eini ferðaskrivstovu?

Um ferðin er keypt frá einari ferðaskrivstovu, mást tú seta teg í samband við ferðaskrivstovuna.

Atlantic Airways kann bert broyta ferðaseðlar, ið eru keyptir beinleiðis frá Atlantic Airways á atlantic.fo ella hjá okkara sølu- og kundatænastu.

Er flogferðin avlýst?

Um flogferðin er avlýst, og tú ikki ert umbókað/ur, hevur tú hesar møguleikarnar:

Kann eg keypa mat/drekka umborð?

Søla av mati og drekka umborð er fyribils steðgað.

Tú kanst tó taka okkurt lætt at eta og alkoholfrítt drekka við umborð (tvíflísar, góðgæti, sodavatn osfr.)

Hetta er sett í verk fyri at avmarka óneyðuga kontakt knýtt at mati, ruski og tænastu annars og harvið minka um covid-19 smittuvanda.

Kann eg taka mat/drekka við umborð?

Tú kanst taka okkurt lætt at eta og alkoholfrítt drekka við umborð (tvíflísar, góðgæti, sodavatn osfr.)

Hetta er sett í verk fyri at avmarka óneyðuga kontakt knýtt at mati, ruski og tænastu annars og harvið minka um covid-19 smittuvanda.

links