Seinasta BAE RJ-100 úr flotanum hjá Atlansflogi

Atlantsflog og Malmø Aviation hava í dag undirskrivað ein sáttmála um, at svenska flogfelagið frá august langtíðarleigar seinasta flogfarið av slagnum RJ-100 frá Atlantsflogi. Leigutíðin er 17-30 mánaðir

Sáttmálin, sum Malmø Aviation og Atlantsflog, undirskrivaðu í dag, hevur við sær, at seinasta flogfarið av slagnum BAE Avro RJ-100 er á veg úr flotanum hjá Atlantsflogi. Felagið avgjørdi fyri nøkrum árum síðani at seta eina tilgongd í verk, har eldru flogførini skuldu úr flotanum, og at felagið ístaðin skuldi útvega sær flogfør av slagnum Airbus 319.


Malmø Aviation yvirtekur BAE Avro RJ-100 síðst í august, og leigutíðin er 17-30 mánaðir. Tá seinasta av eldru flogførunum er farið úr flotanum, hevur Atlantsflog ræði á trimum Airbus 319, tveimum BELL 412 tyrlum, og einari tyrlu av slagnum AW 139, sum flogfelagið leigar í mars til at brúka í frálandavinnuni í 2014.


Framtíðarflotin hjá Atlantsflogi er natúrligur partur av strategiarbeiðinum, ið er farið í gongd, og sum verður liðugt í juni. Leigumálið við Malmø Aviation ávirkar ikki ætlaða ársúrslitið hjá Atlantsflogi fyri 2014.


Atlantsflog fleyg frá fyrsta degi við BAE-flogførum. Tey eru so líðandi farin úr flotanum, eftir at Atlantsflog valdi at flúgva við Airbus 319.


Nakrar smærri ferðslubroytingar um jólini/nýggjárið
15. desembur 2014
Einfaldari og bíligari ferðaseðlar
03. desembur 2014
Ferðandi nummar 3.000.000 við Atlantic Airways
28. november 2014
Airbus flýgur NORÐ-ruturnar fram til 2016
26. september 2014
Egyptaland kostaði eisini í 1. ársfjórðingi 2014
24. apríl 2014
Results of the Offer for Shares in Atlantic Airways P/f
24. apríl 2014
Result of Extraordinary General Meeting 31 March 2014
31. Mars 2014
Sjálvboðið keypstilboð til partaeigarar í Atlantic Airways P/f
07. mars 2014
Eykaaðalfundur 31.mars 2014
07. mars 2014
Atlantic Airways to buy the privately owned shares in the company
10. februar 2014
Atlantic Airways wins tender to provide Statoil helicopter service
09. januar 2014