_
BROYT FERÐASEÐILIN
FÁ TILGÓÐARSEÐIL

FERÐAST TRYGT

Atlantic Airways hevur sett fleiri tiltøk í verk fyri at minka mest møguligt um smittuvandan.

Føroysku heilsumyndugleikarnir mæla til, at fólk lata seg kanna tveir dagar áðrenn fráferð til Føroya og tveir dagar aftaná komu til Føroya. Heitt verður á fólk um at vera serliga varin inntil tey hava fingið svar uppá kanningina annan dagin eftir komu.

Ferðing til/úr Føroyum

Til Føroyar:

Fólk, búsitandi í Danmark og Grønlandi, kunnu altíð ferðast til Føroya. 

Les meira her um, hvør kann ferðast til Føroyar

Úr Føroyum:

Ferðatilmælini verða dagførd javnan, og tí mæla vit tær til at lesa meira á www.um.dk um, hvørji myndugleikatilmæli eru galdandi. 

Orsakað av covid-19 hava nógv lond sett í gildi innferðaavmarkingar.  Tú sum ferðandi hevur sjálv/ur ábyrgdina av, at tú lýkur treytirnar fyri at sleppa inn í landið, tú ferðast til. Upplýsingar um møguligar innferðaavmarkingar eru ofta at finna á heimasíðuni hjá uttanríkismálaráðnum í landinum, har tú ert býrt ella ert ríkisborgari.

Hvat ger Atlantic Airways fyri, at smittuvandin er so lítil sum gjørligt?

ÁÐRENN TÚ KEMUR UMBORÐ:

Tað verður tikið hædd fyri møguligum smittuvanda, og tí verður gjørt eyka væl reint umborð á øllum okkara flogførum.

Áheitan á ferðafólk at boða frá, um tey hava verið í vandaøki, so til ber at taka neyðugu fyrivarnini og minka mest møguligt um smittuvandan.

MEÐAN TÚ ERT UMBORÐ:

Luftin umborð verður útskift og reinsað gjøgnum eitt serligt filtur, sum drepur 99,99% av bakterium.

Vit hava hert mannagongdir fyri at avmarka smittuvandan, bæði tá ið tað kemur til reinføri, eins væl og tá ið tað umræður mannagongdir hjá flogmanningini.

ANDLITSMASKUR: 

Øll ferðandi við Atlantic Airways eru í andlitsmasku á ferðini. 

GG! Ferðafólk, ið eru sjúk av covid-19, hava covid-19-sjúkueyðkenni ella eru í sóttarhaldi, sleppa IKKI at ferðast við Atlantic Airways.

Krav um andlitsmaskur

Atlantic Airways krevur, at øll ferðandi eru í andlitsmasku umborð á okkara flogførum. Niðanfyri sært tú, hvørjar maskur eru loyvdar umborð. 

Eisini eru maskur kravdar á flogvallunum, bæði í Føroyum og uttanlands. 

Til ber at keypa maskur við kunningardiskin á flogvøllinum í Vágum. 

Øll okkara flogfør hava HEPA-filtur

Øll okkara flogfør hava HEPA-filtur (High Efficiency Particulate Air filtur), sum avmarka munandi um spjaðing av luftbornum dropum:

- Luftin verður beinanvegin trýst frá loftinum niður í gólvið

- Luftin umborð verður skift út 2.-3. hvønn minutt

- Fangar upp til 99,99% av øllum smáverum (mikrobum) sum td. virus og bakteriur

Kann eg keypa mat/drekka umborð?

Frá 01. mai 2021 verður aftur møguligt at keypa brellbitar og sodavatn umborð. Sí matskrá HER

Kann eg taka mat/drekka við umborð?

Tú kanst taka okkurt lætt at eta og alkoholfrítt drekka við umborð (tvíflísar, góðgæti, sodavatn osfr.)

Hetta er sett í verk fyri at avmarka óneyðuga kontakt knýtt at mati, ruski og tænastu annars og harvið minka um covid-19 smittuvanda.

Andlitsmaska við leið 300

Øll ferðafólk, ið ferðast við leið 300 av flogvøllinum og møguliga víðari við øðrum bussum ella skipum hjá Strandfaraskipum Landsins, skulu vera í andlitsmasku umborð. Ferðafólk uttan andlitsmasku sleppa ikki við. 

KONTAKTFRÍ FERÐING

Atlantic Airways hevur sett serlig tiltøk í verk fyri at minka um kontaktpunktini og harvið covid-19 smittuvandan

Øll ferðandi við Atlantic Airways eldri enn 6 ár skulu vera í andlitsmasku, sum verjir bæði nøs og munn.

_
Vit gera eyka reint umborð á okkara flogførum
_
Luftin umborð er rein og verður leidd gjøgnum HEPA filtur, ið taka 99% av bitlunum í luftini
_
Vinaliga skrivið tykkum inn til ferðina á sjálvavgreiðslum og latið sjálvi viðførið inn í "bag drop"
_
Pútur og teppi eru tikin burtur
_
Blaðið "Atlantic Review" er tikið úr flogførunum fyri at minka um smittubreiðslu

LOYVT

Andlitsmaskur úr toyi 
Einnýtismaskur

Andlitsmaskur uttan ventil

IKKI LOYVT

Andlitsmaskur við ventili

Hjálmgluggi (visir)

Turrikløð og líknandi

VILT TÚ BROYTA TÍN FERÐASEÐIL?

Hjá Atlantic Airways vilja fegin hjálpa okkara kundum at finna bestu loysnirnar í hesi serstøku covid-19 støðu.

Tí hava vit gjørt nakrar serskipanir, soleiðis at kundar kunnu broyta sínar ferðir uttan broytingargjald ella fáa ein tilgóðarseðil uppá fullu upphæddina.

Broyt tína flogferð

Um flogferðin er áðrenn 30. september 2021 kann ferðaseðilin broytast uttan broytingargjald. Er prísmunur á ferðaseðlunum, skal hann tó gjaldast. 

Vilt tú útseta tín ferðaseðil, heita vit á teg um at trýsta á leinkið niðast á síðuni og avgreiða broytingina á okkara heimasíðu.

Veitst tú ikki, nær tú vilt broyta til? Fá ein tilgóðarseðil

Atlantic Airways bjóðar øllum kundum, ið hava ein ferðaseðil og skulu ferðast áðrenn 30. september 2021, at útseta ferðaseðilin og harvið eiga fullu upphæddina til góðar til, tá ið tú vilt ferðast.

Er ferðin hjá tær avlýst, ber eisini til at søkja um ein tilgóðarseðil; eisini um ferðin er eftir 30. september 2021. 

Tilgóðarseðilin er galdandi fyri tann ella teir persónar, ið eru skrásettir í upprunabíleggingini.

Flogferðin skal bíleggjast innan 1 ár frá, tilgóðarseðilin er móttikin og ferðast kann upp til 360 dagar eftir ferðin er bíløgd.

Er ferðaseðilin keyptur frá eini ferðaskrivstovu?

Um ferðin er keypt frá einari ferðaskrivstovu, mást tú seta teg í samband við ferðaskrivstovuna.

Atlantic Airways kann bert broyta ferðaseðlar, ið eru keyptir beinleiðis frá Atlantic Airways á atlantic.fo ella hjá okkara sølu- og kundatænastu.

Er flogferðin avlýst?

Um flogferðin er avlýst, og tú ikki ert umbókað/ur, hevur tú hesar møguleikarnar:

links

BROYT FERÐASEÐILIN
FÁ TILGÓÐARSEÐIL